16 студзеня ў актавай зале Глыбоцкай раённай цэнтральнай бібліятэкі сабраліся ўдзельнікі студыі паэтычнай творчасці “Сустрэчы для душы”: паэты, кампазітары, выканаўцы.

 А таксама быў запрошаны іерэй сабора Нараджэння Прасвятой Багародзіцы Аляксандр Стоцік, чытачы і аматары кнігі.

 Гадзіна духоўнасці ”Рождественская метель. Истории в снежных узорах‟, першае сёлета студыйнае мерапрыемства аб'яднала вернікаў Глыбоччыны і яшчэ раз нагадала ўсім пра вялікае свята - Ражджаство Хрыстова, якое напаўняе нашы душы цяплом, святлом, дабром і любоўю.

 У праграме, якую падрыхтавала Жанна Юркевіч, кіраўнік студыі, гучалі песні пра Каляды: песні з экрана, з падрыхтаванай відэапрэзентацыі, песні ў выкананні глыбоцкага кампазітара Ганны Шакола. Тэматычныя вершы прачыталі Галіна Сутула, Святлана Новік, Валянціна Пятроўская.

 Удзельнікі мерапрыемства ўспаміналі традыцыі падрыхтоўкі і сустрэчы Ражджаства, прыгатавання святочнага стала, малітвы і спевы, якія ўзносяць хвалу Пану Богу.

На мерапрыемства зазірнулі супрацоўнікі сектара па нестацыянарным абслугоўванні насельніцтва, якія разам са спецыялістамі Глыбоцкага цэнтра традыцыйнай культуры і народнай творчасці правялі абрад "Калядкі". Скончылася сустрэча па-хатняму: за сталом з шчырай гутаркай, з гарбатай і прысмакамі.