Абслугоўванне чытачоў па-за сценамі бібліятэкі мае даўнюю гісторыю. Пачыналася такая форма абслугоўвання ў далёкія паслеваенныя часы ў форме кніганошаства, затым -- праз  арганізацыю пунктаў выдачы літаратуры. У 1977 годзе ў структуры Глыбоцкай  раённай бібліятэкі з'явілася падаздзяленне -- персовачная бібліятэка, "перасоўка" і свой аўтатранспарт -- бібліобус. 

Галоўнай задачай у рабоце перасовачнай бібліятэкі з'яўляецца абслугоўванне кнігай жыхароў аддаленых населеных пунктаў, дзе адсутнічаюць стацыянарныя пункты выдачы і бібліятэкі.  Такіх пунктаў у раёне 26. Бібліобус працуе згодна графіка выездаў, па 8 маршрутах і наведвае аддаленыя вёскі 1 раз у месяц. Дэвіз работы перасоўнай бібліятэкі: “Кнігу – у кожны дом”. 

Фонд перасовачнай бібліятэкі сфарміраваны з улікам узросту, адукацыі, прафесіі чытачоў і іх літаратурных інтарэсаў. Чытачы маюць магчымасць рабіць індывідуальныя заяўкі на літаратуру.
Акрамя выдачы кніг арганізуюцца тэматычныя кніжныя выставы і паліцы. Сумесна з работнікамі аўтаклуба праводзяцца выязныя мерапрыемствы. Работа "бібліятэкі на калёсах" арганічна ўпісваецца ў сістэму бібліятэчнага абслугоўвання насельніцтва, стварае новы сацыяльны фармат жыцця вяскоўцаў.

На працягу месяца магчымы змяненні ў графіку выездаў!  
Даведкі па тэлефоне 8 (02156) 3-61-54 (аддзел абслугоўвання і інфармацыі).