У жніўні Глыбоцкая цэнтральная раённая бібліятэка да фестывалю “Мёд, сыр и орехи” арганізавала тэматычную кніжную выставу-інсталяцыю «Спас всего припас». Для прысутных на свяце гасцей быў прапанаваны “мядовы” красворд, і віктарына “Мядовы Спас”. Наведвальнікі мерапрыемства з вялікай ахвотай адказвалі на пытанні, разгадвалі красворд. Усіх, хто прыняў удзел у гульнях чакалі салодкія падарункі.

Музычны вечар-успамін «Ах Муслим! Ты эпоха! Ты вечность!» адбыўся ў літаратурна-музычнай гасцёўні “Сустрэчы для душы”, быў прысвячаны 80-годдзю з дня нараджэння вядомага спевака і кампазітара. На вечары для прысутных была прадстаўлена кніга, якая выйшла у серыі “Достояние республики” пад назвай “Я бы всё прожил точно также ...”. Гучалі відэазапісы песень вядомага спевака, дэманстраваліся ўрыўкі дакументальных фільмаў аб ім.

На працягу месяца абслугоўванне жыхароў аддаленых вёсак  вёў бібліобус. Так, напрыканцы жніўня адбыўся выезд бібліобуса для наведвадвання аддаленых вёсак: Каралевічы, Стрынадкі, Сноркі, Гваздова. З вялікай радасцю і задавальненнем чакаюць жыхары прыезда “бібліятэкі на калёсах”. Для іх заўсёды падбіраецца літаратура, якая адпавядае густам чытачоў. Вялікая увага надаецца перыядычнаму друку. Многія жыхары аддаюць перавагу часопісам, газетам. Падабаюцца вяскоўцам такія выданні  як: “Гаспадыня”, “Алеся”, “Я на пенсіі”, “Народный доктор”. Сярод газет карыстаюцца папулярнасцю “Советчица”, “Здравушка”, “Друг пенсионера”.

Юркевіч Ж.Б., бібліятэкар чытальнай залы