Такую паслугу на працягу многіх гадоў прапануе чытачам Глыбоцкая цэнтральная раённая бібліятэка.

Бібліятэкары дастаўляюць на дом кнігі і часопісы нашым адданым у былым наведвальнікам, якія, на жаль, страцілі магчымасць самастойна прыйсці ў нашу ўстанову. Прыемна, што у гэтай справе нам актыўна дапамагаюць іх блізкія і родныя, суседзі, сацыяльныя работнікі.

Функцыю па дастаўцы друкаваных выданняў выконвае наш аддзел абслугоўвання і інфармацыі, куды вы можаце патэлефанаваць па нумары 3-61-54 і заказаць патрэбныя кнігі. Зрабіць заяўку на карыстанне паслугі дастаўкі на дома можна і праз сацыяльную сетку “ВКОНТАКТЕ”, даслаўшы паведамленне ў групу “Глубокская центральная районная библиотека”

Карыстацца паслугай па дастаўцы кніг на дом могуць пажылыя людзі, якія ў сілу свайго ўзросту ці хваробы не могуць трапіць у бібліятэку. У шэрагу карыстальнікаў паслугі “Кніга на дом” могуць быць і маладыя людзі з абмежаванымі магчымасцямі.

Акрамя друкаваных выданняў, на абанеменце бібліятэкі маюцца аўдыёкнігі, якія таксама даступны для нашых карыстальнікаў. CD-дыскі з запісам класічнай літаратуры ці радыёспектакляў дапамогу бавіць час людзям з парушэннямі зроку.
Памятайце, кнігі – гэта магутны інструмент, які можа дапамагчы справіцца з пачуццём адзіноты. Мы, бібліятэкары, побач!

Аддзел абслугоўвання і інфармацыі
Глыбоцкай цэнтральнай раённай бібліятэкі.