Папулярызацыя беларускай мовы і літаратуры, захаванне і ўзбагачэнне гісторыка-культурнай, краязнаўчай спадчыны – галоўны напрамак дзейнасці Чарневіцкай сельскай бібліятэкі. Кожная мясціна, дзе жывуць і працуюць людзі, мае сваю гісторыю і сваіх слынных людзей. Для Чарневіч такой асобай з’яўляецца Віктар Міхайлавіч Норка.

Прафесіяналізм Віктара Міхайлавіча, настаўніка геаграфіі і гісторыі,  падцвярджаюць яго вучні, якія неаднаразова былі пераможцамі раённых, абласных і рэспубліканскіх прадметных алімпіяд.

Віктар Міхайлавіч аўтар і сааўтар трох дапаможных выданняў па геаграфіі, якія выкарыстоўваюцца для дэталёвага вывучэння цікавай і займальнай навукі. 

Ураджэнец Вілейшчыны, Віктар Міхайлавіч з'яўляецца кразянаўцам Чарневіцкага краю. Ён сабраў, вывучыў і сістэматызаваў вялікую колькасць інфармацыі па гісторыі і геаграфіі Чарневіч і навакольных вёсак.

Віктар Міхайлавіч актыўна супрацоўнічае з бібліятэкай: дзеліцца сабранымі матэрыяламі, дапамагае фарміраваць фонд краязнаўчых дакументаў, папулярызуе свае даследчыя работы сярод карыстальнікаў і наведвальнікаў установы.

Яго даследчыя работы па тэмах “Кліматычныя нарысы I-га дзесяцігоддзя XXI ст. вёскі Чарневічы”, “Кліматычны альбом вёскі Чарневічы. Восеньскія перыяды 1992-2012 гг..”, “Возера Гінькава: раскрываем таямніцы”, “Нарысы гісторыі Чарневіцкай школы” сталі самымі каштоўнымі дакументамі бібліятэчнай краязнаўчай выставы “Глыбоччына, родная старонка”.

На гэтай жа выставе прадстаўлена папка-дасье “Географ з Чарневіч. Настаўнік-майстар Віктар Міхайлавіч Норка”, прысвечаная таленавітай жыхару нашага краю.