Сёння, 22 сакавіка, мы ўспамінаем адну з самых жудасных старонак у гісторыі нашай краіны. У гэты дзень , 80 гадоў назад, карнікі зайшлі ў беларускую вёску Хатынь, спалілі і растралялі мірных жыхароў: 149 чалавек, 75  з іх былі дзеці да 16 год. Зараз на гэтым месцы Мемарыяльны комплекс.

З нагоды гэтай трагічнай падзеі ў Глыбоцкай дзіцячай бібліятэцы падрыхтавана выстава-рэквіем “Колокола Хатыни”.

На стэндзе змешчана інфармацыя не толькі пра трагедыю Хатыні, але і матэрыялы пра карныя аперыцыі фашыстаў на тэрыторыі Беларусі з 1941 па 1944 гады, пра іншыя спаленыя беларускія вёскі, разбураныя гарады, пра колькасць забітых і спаленых мірных жыхароў.

Чытачы таксама могуць пазнаёміццы з інфармацыяй пра знішчаныя вёскі Глыбоцкага раёна і памятным знакам, які знаходзіцца ў лясным масіве каля вёскі Лаўрынаўка.

Мемарыяльны комплекс “Хатынь” – трагічны напамін усім аб жахах вайны. А дзень 22 сакавіка асабліва важны  ў Год міра і стварэння, як урок будучым пакаленням, як памяць усім жывым, як запаведзь – болей не ведаць жахаў вайны.

Трапук М.Г., бібліятэкар Глыбоцкай дзіцячай бібліятэкі