Вайтэцкі Уладзімір Канстанцінавіч нарадзіўся ў 1933 годзе у в. Мярэцкія Дзісенскага павета (цяпер Глыбоцкі раён Віцебскай вобласці) ў сям’і калгаснікаў.
З 1949 года працаваў у калгасе імя Калініна.
З 1951 года – брыгадзір паляводчай брыгады калгаса імя Калініна.
Асноўныя работы ў гаспадарцы выконваліся ўручную. Вывозілі ў поле кампосты, рабілі спецыяльную падушку з торфу. Дзякуючы такой рабоце з арганікай дасягнулі ўраджаю па 40 цэнтнераў на круг.
У 1966 годзе паляводчая брыгада Ул. Вайтэцкага калгаса імя Калініна сабрала па 56 цэнтнераў ячменю з гектара.
У 1966 годзе за вырошчванне збожжавых і тэхнічных культур, укараненне дасягненняў навукі і перадавога вопыту Уладзіміру Канстанцінавічу Вайтэцкаму прысвоена званне Героя Сацыялістычнай Працы.
Дзякуючы ўраджаям зерневых і льну Ул. К. Вайтэцкаму давялося 10 разоў быць удзельнікам ВДНГ у Маскве.
У 1973 годзе Уладзімір Канстанцінавіч Вайтэцкі – загадчык фермы калгаса імя Калініна Глыбоцкага раёна.
1976 год – узначальвае перавалачную, куды паступае жывёла, набытая ў іншых гаспадарках.
За актыўны ўдзел у гаспадарчым і культурным будаўніцтве, работу па выхаванню моладзі і ў сувязі з 60-годдзем Ленінскага Камсамола Беларусі Ул. К. Вайтэцкі ўзнагароджаны Граматай Вярхоўнага Савета БССР.
ЛІТАРАТУРА:
- Берніковіч, Ч. Юбілей Героя / Ч. Берніковіч // Веснік Глыбоччыны. - 2008. - 22 сак. - С. 7.
- Вайтэцкі Уладзімір Канстанцінавіч // Памяць: гісторыка-дакументальная хроніка Глыбоцкага раёна / рэд.: Б.І. Сачанка [і інш.]; маст. А.М. Хількевіч. – Мн., 1995. – С. 405.
- Вайтецкий Владимир Константинович (Войтецкий) // // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 58.
- Зінкевіч, А. І падалі, і плакалі сняжынкі ў журботнай цішыні... / А. Зінкевіч // Веснік Глыбоччыны. – 2017. – 21 студз. – С. 2
- Раманоўскі, У. Адказная пасада / У. Раманоўскі // Віцебскі рабочы. – 1971. – 3 лістап. – С. 3.
- Салтук, А. Еднасць з зямлёй / А. Салтук // Віцебскі рабочы. – 1980. – 11 лістап. – С. 2.
- Салтук, О. Глубокие корни / О. Салтук // Знаменосцы трудовой славы / сост. Г.С. Гужва, В.Г. Скопа, Е.Я. Рыклин. - Мн., 1984. - С. 59-61.
- Сауліч, У. Зерне ў танцзале / У. Сауліч // Сельская газета. – 2017. – 16 марта. – С. 23.
-
Сауліч, У. У сярэдзіне мінулага стагоддзя Уладзімір Вайтэцкі атрымліваў такія ўраджаі, якія і сёння не кожнаму пад сілу, і ў 33 гады стаў Героем Сацыялістычнай Працы / У.Сауліч // Сельская газета . – 2017. – 15 марта