Мацюшонак Міхаіл Міхайлавіч

Працоўная слава Глыбоччыны

Мацюшонак Міхаіл Міхайлавіч. Герой Сацыялістычнай Працы.

Нарадзіўся ў 1915 г. у вёсцы Пятроўшчына Дзісенскага павета (цяпер Глыбоцкі раён Віцебскай вобласці) у шматдзетнай сялянскай сям’і.

З дзяцінства працаваў на панскай гаспадарцы, абслугоўваючы млын. Пасля ўз’яднання Заходняй Беларусі з БССР у 1939 годзе ўступіў у калгас.

У час Вялікай Айчыннай Вайны да 1944 года пражываў на акупіраванай тэрыторыі. Пасля вызвалення Беларусі ад нямецка-фашысцкіх захопнікаў быў прызваны ў Савецкую Армію. Атрымаў цяжкае раненне, пасля чаго быў камісаваны і вярнуўся ў Пятроўшчыну.  

Працаваў у калгасе “Перамога” нарыхтоўшчыкам лесу, затым узначальваў звяно па вырошчванню лёну (1947—70 гг.). З-за поўнай адсутнасці ў калгасе спецыяльнай тэхнікі ўсе пасяўныя і ўборачныя работы выконвалі з дапамогай коней, пры апрацоўцы лёну выкарыстоўваліся архаічныя прылады працы. 

Аднак звяну Мацюшонка ўдавалася атрымоўваць высокую ўраджайнасць, якая дасягала да 6,5 цэнтнера льновалакну і 7,6 цэнтнераў ільнасемя з гектара.

Аднак, звяну Мацюшонка ўдавалася атрымоўваць высокую ўраджайнасць, якая дасягала да 6,5 цэнтнера льновалакну і 7,6 цэнтнераў ільнасемя з гектара. "Льноводство в истории колхоза «Победа» (СПК "Петровщина") 

2 чэрвеня 1950 г. Загадам Прэзідыума Вярхоўнага Савета СССР за атрыманне высокіх ураджаяў ільну звеннявому калгаса “Перамога” Мацюшонку Міхаілу Міхайлавічу было прысвоена званне Героя Сацыялістычнай Працы.

У 1970 годзе выйшаў на заслужаны адпачынак. Памёр 25 снежня 1978 года. 

Мацюшонак Міхаіл Міхайлавіч узнагароджаны двумя Ордэнамі Леніна, Залатым медалём "Серп и Молот" і іншымі ўзнагародамі. 

Імя Мацюшонка М.М. занесена на Дошку Гонару Герояў Сацыялістычнай Працы Глыбоцкага  раёна, у кнігу “Слава и гордость земли Витебской”.

Літаратура:

1. Саулич, В. Ударное звено / В. Саулич // Знаменосцы трудовой славы / сост. Г.С. Гужва, В.Г. Скопа, Е.Я. Рыклин. – Мн., 1984. – С. 216-222.
2. Дулеба Г. I. Збор помнікаў гісторыі і культуры Беларусі. Віцебская вобласць.- Мн.: Бел.Сав.Энцыклапедыя, 1985. – С.239.– № 1210.– [Cтэла на магіле Мацюшонка М.М.]
3. Мацюшонак Міхаіл Міхайлавіч // Памяць: гісторыка-дакументальная хроніка Глыбоцкага раёна / рэд.: Б.І. Сачанка [і інш.] ; маст. А.М. Хількевіч. – Мн., 1995. – С. 406.
4. Матюшонок Михаил Михайлович // Слава и гордость земли Витебской: биогр. справ. / сост. М.Н.Пригожий. – Витебск: Витеб. обл. тип., 2009. – С. 274
5. Матюшонок Михаил Михайлович //  Твои герои, Беларусь! Герои Социалистического Труда: биографический справочник / [составители: И. Н. Кулан, В. И. Козак, Е. Е. Соколов. - Минск : Беларуская Энцыклапедыя, 2014. - 287 с.  –  С. 151.
6. Мацюшонак, М. Працоўная слава // Шлях перамогі.- 1977.- 20 верасня
7. Жыгуноў, А. Героі Сацыялістычнай Працы Глыбоччыны // Веснік Глыбоччыны. – 2015. – 30 чэрвеня .