30 чэрвеня прайшло свята вёскі Забор’е пад назвай “Квітней, мая родная вёсачка” і адбылося яно на самым прыгожым і ўтульным месцы, ў цэнтры вёскі. Падрыхтавалі мерапрыемства супрацоўнікі Гатаўшчынскай бібліятэкі – клуба.

 На свята сабраліся ўсе жыхары, прыехалі іх родныя і блізкія. Згодна традыцыі, ушаноўвалі старэйшых жыхороў вёскі, лепшых працаўнікоў гаспадаркі, сямейныя пары, якія адзначылі юбілеі сумеснага жыцця, самых малодшых жыхароў. Успомнілі тых, хто тут нарадзіўся і ўсё жыццё адпрацаваў у роднай гаспадарцы, і тых, хто прыехаў па размеркаванню на працу і застаўся назаўсёды, назвалі гаспадароў лепшых падворкаў.

 На свяце ні адзін чалавек не застаўся без увагі. Ім уручалі падарункі старшыня Пліскага  сельскага выканаўчага камітэта В.М. Пліско і вядучы спецыяліст па ідэалагічнай рабоце мясцовай гаспадаркі Т.У. Пашукевіч.

Cамадзейныя артысты аўтаклуба Глыбоцкага цэнтра традыцыйнай культуры і народнай творчасці радавалі прысутных музычнымі нумарамі.

На свяце была разгорнута выстава вышыванак мясцовай майстрыхі Садоха Кацярыны Васільеўны пад назвай “Рук залатых зямныя цуды”. З- пад яе таленавітых рук выходзяць сапраўдныя творы мастацтва. Прыгожыя карціны, ручнікі, сурвэткі радавалі людское вока ўдзельнікаў свята.

Загадчык Гатаўшчынскай бібліятэкі – клуба