80 гадоў таму назад адгучалі апошнія стрэлы вялікай, цяжкай, трагічнай і незабыўнай Вялікай Айчыннай вайны... Але не гояцца раны ў сэрцах чалавечых. І ва ўрачыстыя, святочныя дні Вялікай Перамогі, мы зноў і
зноў вяртаемся думкамі ў тыя суровыя гады, да тых гераічных дзён.
Напярэдадні святкавання 80-й гадавіны Вялікай Перамогі Карабоўская сельская бібліятэка-клуб сумесна са школай правялі для жыхароў аграгарадка Карабы-2 урачысты мітынг “Живёт Победа в поколениях”, прысвечаны памятнай падзеі. Гэта падзея стала не проста датай у календары, а жывым урокам гісторыі, напоўненым гонарам, памяццю і павагай да подзвігу продкаў.

Падчас мітынгу шмат слоў было сказана пра стойкасць і мужнасць нашага народа ў тыя складаныя гады. З прывітальным словам да жыхароў аграгарадка звярнуўся старшыня Карабоўскага сельскага выканаўчага камітэта Татун Я.К.

Усіх прысутных ён павіншаваў са святам Вялікай Перамогі. Па традыцыі, у памяць аб загінуўшых у Вялікай Айчыннай вайне земляках  удзельнікі мітынгу ўсклалі гірлянду і кветкі да помніка і ўшанавалі загінуўшых хвілінай маўчання.

Затым у памяшканні школы адбыўся канцэрт-рэквіем “Минувших лет живая память”, у якім выступалі ўдзельнікі аматарскага аб’яднання “Акварэль”, якое дзейнічае пры Карабоўскай сельскай бібліятэцы-клубе. Школьнікі спявалі песніі і чыталі вершы пра подзвігі салдат, пра дзяцей вайны, пра слёзы маці. Радкі класікаў і сучасных аўтараў гучалі пранікнёна, нагадваючы пра тое, як важна каб на зямлі быў мір.

Заг. Карабоўскай сельскай бібліятэкі-клуб Спалівіс Л.Ф