Нібыта знароку вам доля-ўдава
Маленькаю мерала жменяй –
Каму дзевятнаццаць, каму дваццаць два,
А некаму й гэтага меней...
А.Бачыла
У цэнтры в.Карабы на ўшанаванне памяці 16 землякоў, загінуўшых у гады Вялікай Айчыннай вайны, у 1967 г. устаноўлены помнік–абеліск з надпісам “Вечная слава нашим землякам, погибшим за независисмость нашей Отчизны 1941-1945” і прозвішчамі загінуўшых.
У 2010 годзе, напярэдадні Дня перамогі, адбылося ўрачыстае адкрыццё новага помніка ў гонар землякоў, што загінулі пад час Вялікай Айчыннай вайны. На гранітнай пліце зроблены надпіс: “Вялікая падзяка за мірнае жыццё. Вечная памяць удзячных нашчадкаў”.
Новы помнік устаноўлены каля адміністрацыйнага будынку, у якім размешчаны Карабоўскі сельскі Савет і кіраўніцтва ААТ “Канстанцінаў Двор”.
Л-ра: Раловіч, П. Памяць аб подзвігу непадуладная часу / П. Раловіч // Шлях перамогі.- 1989.- 10 чэрвеня; Памяць удзячных нашчадкаў // Веснік Глыбоччыны. - 2010.-12 мая.
На грамадскіх могілках вёскі Гінькі знаходзіцца брацкая магіла сям’і Шчасных, якая была расстраляны фашыстамі за сувязь з партызанамі.
На помніку надпіс: “Загінулі за сувязь з партызанамі. Счасны П.Т. 1872, Счасны П.П. 1912, Счасная Г.Ф. 1917, Счасная Таццяна 4 гады, Счасная Вольга 9 месяцаў, Счасны Дз.М. 1935, Счасная Т.М. 1935”.
Побач з помнікам устаноўлены жалезны крыж з шыльдай, на якой надпіс “Без віны вінаватым вечны спакой”.
05.05. 2017 г. брацкаму пахаванню нададзены статус воінскага пахавання.
Л-ра: Карніловіч, Л. Тут лёсы сплецены ў адзін / Л.Карніловіч // Веснік Глыбоччыны. — 2017. — 1 ліпеня
Недалёка ад вёскі Гірстуны, ва ўрочышчы “Жукавы пяскі” знаходзіцца брацкая магіла лётчыкаў, загінуўшых у гады Вялікай Айчыннай вайны. Прозвішчы загінуўшых лётчыкаў адшукаў у Цэнтральным архіве Масквы мясцовы краязнаўца П.С.Раловіч. Па яго ініцыятыве на месцы падзення самалётаў верасні 1999 г. пастаўлены помнік у выглядзе гранітнага крыжа і камяня з шыльдай і надпісам: “На этом месте 3 июля 1944 года погиб в бою экипаж самолёта ИЛ-2 старшина Каргин Григорий Иванович, старший лейтенант Шкарпетов Алексей Иванович. Вечная память героям”.
Помнік пастаўлены на месцы падзення самалёта ІЛ-2 683-га штурмавога авіяпалка 335-й штурмавой авіядывізіі 3 ліпеня 1944 г. Загінуўшыя – малодшы лейтэнат Шкарлетаў Аляксей Іванавіч, 1921 г.н., малодшы сержант Каргін (Карган) Рыгор Іванавіч, 1920 г.н. На помніку шыльда “Воінскае пахаванне №4073”. Помнік знаходзіцца каля в.Гірстуны, па дарозе з в. Новыя Шарабаі на в. Старыя Шарабаі.
Індывідуальная магіла з драўляным крыжом на месцы пахавання невядомага воіна, загінуўшага ў ліпені 1941 г. на вясковых могілках в.Гулідава. Крыж устаноўлены мясцовымі жыхарамі ў 1989 г. На крыжы шыльда “Воінскае пахаванне №4066”.
У цэнтры вёскі Дзеркаўшчына, перад будынкам сельскага Дома культуры, у 1973 г. устаноўлены помнік 36 землякам, загінуўшым у гады Вялікай Айчыннай вайны. Помнік уяўляе сабой пастамент, абмурованы камяням і скульптуру воіна з аўтаматам. На помніку надпіс “Вечная память павшим землякам в борьбе с немецко-фашисткими захватчиками в годы Великой Отечественной войны. 1941-1945”.
Індывідуальная магіла невядомага, загінуўшага ў 1941 г.? знаходзіцца на могілках вёскі Жураўнёва. Помнік – бетонная піраміда з зоркай, устаноўлены ў 1961 г. На помніку шыльда “Воінскае пахаванне №4067”.
У в.Зарубіна каля будынка праўлення былога калгаса «Парыжская камуна» на ўшанаванне памяці 63 землякоў, якія загінулі ў Вялікую Айчынную вайну у 1975 г. пастаўлены помнік — скульптура жанчыны ў жалобе.
У вёскі Латыгаль Карабоўскага сельсавета, у яе жыхароў ёсць свае трагічныя старонкі. 13 чэрвеня 1943 года Латыгаль сапраўды была спаленая, а 10 жыхароў растраляны фашыстамі ва ўрочышчы Асіннікі.
Гэта Вайцэховіч Іван Купрыянавіч, 1910 г.н., Вайцэховіч Пётр Купрыянавіч, 1920 г.н., Квач Аляксандр, Квач Марыя, Рыжая Караліна Вайцэхаўна, Рыжая Марыя Канстанцінаўна, 1928 г.н., Рыжая Пятруля, 1883 г.н., Рыжая Францішка Ігнатаўна, 1894 г.н., Рыжы Вацлаў Канстанцінавіч, 1926 г.н., Рыжы Іван Восіпавіч, 1919 г.н.
На месцы расстрэлу мірных жыхароў ва ўрочышчы Асіннікі студэнтамі Віцебскага медыцынскага інстытута быў узведзены абеліск – мармуровая стэла.
У 2007 г. астанкі расстраляных былі перазахаронены на могілках в.Харашкі.
Л-ра: Зінкевіч, А. З любоўю да роднай зямлі і магіл сваіх продкаў: пра адкрыццё помніка загінуўшым жыхарам в.Латыголь // Веснік Глыбоччыны.-2009.-5 жніўня
У цэнтры вёскі Шунеўцы месціцца помнік землякам, загінуўшым у гады Вялікай Айчыннай вайны. Помнік уяўляе сабой бетонную стэлу, наверсе якой зорка, на помніку – выява Ордэн Перамогі і шыльда з імёнамі 36 землякоў. Абеліск устаноўлены ў 1969 годзе.
Індывідуальная магіла краснаармейца Пятра, 1922 г.н., які загінуў 12 ліпеня 1941 г. каля в.Белевічы. На помніку, драўлянай тумбе, шыльда “Воінскае пахаванне №4068” (могілкі в.Белевічы)
