У календары ёсць такое свята – Міжнародны дзень роднай мовы, які адзначаецца штогод 21 лютага. Гэты дзень быў асабліва адзначаны ў Глыбоцкай дзіцячай бібліятэцы. Для наведвальнікаў была падрыхтавана выстава “Чытаем на роднай мове”.
Дзеці і дарослыя змаглі паспрабаваць сябе ў веданні роднай мовы ў
гульнях і віктарынах, моўным лато “Багата, ты роднае слова”, адгадаць крыжаванкі і г. д.
Нашы чытачы мелі магчымасць пазнаёміцца з выставай-крыжаванкай “Любі, шануй, ведай роднае слова!”, якая ўключала наступныя раздзелы: “Падарожжа ў гісторыю роднага слова”, “Займальнае літаратуразнаўства”, “Сустрэча з казкай”, “І песню родную люблю”, “Вучымся пісаць вершы”. Гэты занятак выклікаў у дзяцей сапраўдны інтарэс і жаданне лепш ведаць родную мову. Таксама былі прапанаваны перыядычныя выданні, якія змяшчалі разнастайныя заданні: рэбусы, загадкі, крыжаванкі і інш.
У гэты дзень бібліятэку наведалі слухачы рэспубліканскіх курсаў “Мова Нанова” з выкладчыкам Дашкевіч Ганнай Усцінаўнай. Для іх было падрыхтавана мерапрыемства - моўны калейдаскоп “Матчына мова: ззяе вясёлкай кожнае слова”, дзе мы яшчэ раз успомнілі гістарычны шлях нашай мовы, паслухалі цудоўныя вершы на нашай мілагучнай мове, даведаліся аб цікавых фактах з жыцця беларускага слова.
Для малодшчых чытачоў праводзілася гучнае чытанне “Гучы, мая родная мова!”, дзе дзеці с задавальненнем чыталі па чарзе творы беларускіх аўтараў: Я.Коласа, Я. Купала, В. Віткі, А. Жыгунова і інш. Асабліва прыемна было слухаць вершы, якія рабяты чыталі на памяць.
Удзельнікі свята атрымалі памятныя знакі “Родная мова – модная мова”, “Размаўляй со мной па- беларуску”, а самыя актыўная – буклеты “Дамашнія ўрокі роднай мовы”.
У гэты дзень асаблівая ўвага была нададзена кнігам на роднай мове.
Трапук М. Г., гал. бібліятэкар Глыбоцкай дзіцячай бібліятэкі
22 лютага 2019 г.
