Фама Васільевіч Ляшонак (псеўданім Тамаш Ляшонак ) нарадзіўся ў вёсцы Загор'е Глыбоцкага раёна (5.09.1935 – 2004). Пасля заканчэння Залескай сярэдняй школы (1954) тры гады служыў у войску. У 1957–1958 гг. вучыўся ў Глыбоцкім тэхнічным вучылішчы, а затым працаваў электраманцёрам і завочна вучыўся ў Беларускім інстытуце механізацыі сельскай гаспадаркі.
3 1967 г. працаваў на інжынернай пасадзе на Глыбоцкім прадпрыемстве электрычных сетак, а з 1970 па 1997 гг. – кіраўніком Глыбоцкага міжраённага аддзялення «Энерганагляду», якое ўваходзіць у склад рэспубліканскага ўнітарнага прадпрыемства «Віцебскэнерга».
Член Саюза беларускіх пісьменнікаў з 1997 г.
Пісаць пачаў у сталым узросце. Першая кніга вершаў “Запознены дар” выйшла ў 1995 годзе. Потым былі вершаваныя зборнікі “Сустрэча” (1997), “Апошні лістапад” (2005),песенны зборнік “Гронка бэзу” (1997).
Адна з новых вуліц г.Глыбокае ў мiкрараёне “Беразвечча” носіць імя паэта.
ЛІТАРАТУРА
- Берніковіч, Д. «Уславім лістапад, бо не апошні ён, а вечны» / Д. Берніковіч // Веснік Глыбоччыны. – 2005. – 8 кастр. – С. 6.
- Буткевіч, С. Памяць запозненай не бывае / С.Буткевіс // СБ Беларусь.- 2007. - 2 сакавіка. - №35-36
- Жыгуноў, А. «Можа, услед за прозвішчам Машары нашчадкі зрэдку ўспомняць і маё» / А. Жыгуноў // Веснік Глыбоччыны. – 2010. – 13 лістап. – С. 6.
- Жыгуноў, А. Муза паэта / А. Жыгуноў // Веснік Глыбоччыны. – 2012. – 7 сак. – С. 5.
- Ляшонак Тамаш // Пісьменнікі Віцебшчыны : даведнік / рэд. Ф. Сіўко. – Віцебск, 2001. – С. 47.
- Салтук, А. Ліст у агромністым садзе / А. Салтук // Вiцебскі рабочы. – 2005. – 5 ліп. – С. 4.
- Сушко, М. «Я душою заўжды малады» / М. Сушко // Клiч Радзiмы (Шаркаўшчына). – 1998. – 26 верас. – С. 4.
