Баравік Марыя Якаўлеўна. Паэтэса, член Саюза пісьменнікаў Беларусі (1992). Нарадзілася 22.02.1946 года ў в. Прэабражэнка Глыбоцкага раёна. Закончыла факультэт журналістыкі БДУ імя Леніна. Пісаць вершы пачала ў дзяцінстве. У 1985 г. у Марыі Баравік выйшаў першы зборнік паэзіі “Поле долі”. Другі зборнік вершаў паэтэсы “Вір пяшчоты і журбы” убачыў свет у 1995 г.
У 2010 годзе выйшлі адразу два зборнікі – “Зорка гасцюе ў месяца” і “На вас глядзіць мая душа”. У 2011 г. чытачы пазнаёміліся са зборнікамі паэзіі "Камень смутку" і "Прымі душа таямніцу".
У 2001 годзе ўзнагароджана Ганаровай граматай Саюза пісьменнікаў Беларусі за значны ўклад у літаратуру.
