Масленіца - адно з самых яркіх і любімых свят нашай краіны. Фальклорная гадзіна “Масленіца прыйшла, бліноў прынесла” сабрала разам даўніх сяброў Падсвільскай гарпасялковай бібліятэкі.
У нас сягоння Масленіца,
Прыляцела ластавіца,
Сядзела на тыну, на калу,
Кідала масла па каму.
А хто ўхопіць — так таму.
Успаміналі абрады і звычаі свята.
Было ўсё -- гульні і жарты, забавы і пацешкі, слухалі песні і спявалі забіяцкія прыпеўкі.
Але якая ж Масленіца без бліноў? Госці свята частаваліся пышнымі блінамі і прысмакамі, запіваючы іх гарачай духмянай гарбатай і напяваючы жартоўную песню...
Прыйшла Масляніца к нам,
Гэта значыць быць блінам!
Быць каханню, быць дабру,
Раздадзім ўсім па бліну!
Яцкоўская С.П., заг. Падсвільскай гарпасялковай бібліятэкі
