Усё далей і далей у мінулае адыходзяць суровыя гады Вялікай Айчыннай вайны. Залячыла раны знявечаная зямля. І толькі помнікі, абеліскі і ўспаміны застаўшыхся ў жывых ветэранаў і сведкаў вайны нагадаюць аб вялікіх і трагічных падзеях, якія калісьці адбыліся, аб мужнай барацьбе савецкіх людзей з нямецка-фашысцкімі захопнікамі. Помнікі Вялікай Айчыннай вайны - гэта сімвал памяці аб подзвігах нашых землякоў. Па падліках, у раёне 70 помнікаў часоў Вялікай Айчыннай, ўзведзеных на месцах асобных і масавых пахаванняў ахвяр вайны і памятных знакаў у гонар подзвігу загінуўшых землякоў.
Пачаткам увекавечання стаў загад №53 Постановление Глубокских райисполкома и РК КП(б)Б «О приведении в порядок братских и индивидуальных могил воинов Красной Армии, погибших в боях с немецко-фашистскими захватчиками на территории Глубокского района» от 7 сентября 1945 г.
Глыбокае і Глыбоцкі раён мае сваю даўнюю і добра вывучаную гісторыю, якая шырока прадстаўлена на прасторах інтэрнета. Відарысы Глыбоччыны знаходзяць сваё адлюстраванне ў цудоўных фотаздымках жыхароў і гасцёй горада. А яшчэ Глыбоччына занатавана ў творах мастакоў і таленавітых майстроў па рабоце ў розных тэхніках і з рознымі матэрыяламі.
Язэп Драздовіч, адзін з першых мастакоў, які аставіў пасля сябе архітэкурныя і пейзажныя замалёўкі Глыбцкага краю.
Вялікая колькасць прац Эдуарда Мацюшонка, мастака з Вілейкі, прысвечаная Глыбокаму і сваёй малой радзме – вёсцы Мнюта: “Космас Язэпа Драздовіча”, “Маёнтак у Мнюце”, “Глыбокае. Нядзеля”, “Вяртанне Драздовіча”. Цікаўнасць да тэмы сваёй малой радзімы атрымала працяг у карціне "Абуджэнне (Глыбоцкім дударам)". Гэтыя работы прадстаўляюцца на шматлікіх выставах мастака. Шмат работ стварылі мінскія мастакі Таццяна Анушка, Ніна Маргаева, Ірына Каўзановіч і Галіна Флікоп падчас правядзення ў Глыбокім мастацкага пленэру з нагоды юбілею Язэпа Драздовіча (2018 г.) Літвінскі Дзмітрый, ураджэнец Глыбокага, фотамайстар і відэааматар у сваіх жывапісных работа занатоўвае Глыбокае з розных ракурсаў.
Творы дэкаратыўна-прыкладнога мастацтва — маляваныя дываны (Скавырка Святлана), выцінанкі (Юлія Арэхава), аб'ёмныя кампазіцыі (Арцём Фамін і Віктар Дудкевіч) ствараюць работнікі Глыбоцкага дома рамёстваў.
Імі ж актыўна распрацоўваецца Дударская тэма. Карціна Э.Мацюшонка "Дудар" была прэзентаваная падчас фэсту Дударскі рэй 2019, а пазней на выставах у Доме ўрада і Прэзідэнцкай бібліятэцы. Жывапісныя работы Дзмітрыя Літвінскага прыцягваюць увагу гледачоў.
Глыбокае прыцягвае ўвагу мастакоў рознага ўзоўню, ад пачынаючых да прафесіяналаў. Гэта не можа не радаваць і дае надзею, што ўперадзе знаходкі і знаёмствы з новымі жывапіснымі работамі.
База дадзеных (БД) «Глыбачане» – біябібліяграфічны інфармацыйны рэсурс у якім змяшчаецца інфармацыя пра работнікаў вытворчасці, навукі, культуры, мастацтва, людзей самых разнастайных прафесій, жыццё і дзейнасць якіх цалкам або часткова звязана з нашым краем. Інфармацыя аб ураджэнцах Глыбоччыны, якія ўславілі і ўслашляюць сваёй дзейнасцю, сваімі адкрыццямі, дасягненнямі наш горад і раён, нашу і суседнія краіны.
БД уключае інфармацыю пра кожную асобу, біяграфічныя данныя персаналія і яго дасягненні ў той вобласці дзейнасці, якой ён займаўся ці займаецца. Карыстальнікі даведаюцца, якімі ўзнагародамі і прэміямі былі адзначаны славутыя людзі Глыбоччыны. У канцы кожнага артыкула прапануецца бібліяграфічная літаратура.
Генеруецца база дадзеных аддзелам бібліятэчнага маркетынгу Глыбоцкай цэнтральнай раённай бібліятэкі.
Заўвагі аб недакладнасцях і памылках просім дасылаць на е-mail