Фота-паэтычнай выставай “Зімовыя рыфмы” пачаўся новы год у Падсвільскай гарпасялковай бібліятэцы. Супрацоўнікі творча падышлі да першай экспазіцыі 2024 года і спалучылі зімовы паэтычны і фота- настрой.

Фатограф-аматар Аліна Герасімовіч сваімі работамі імкнецца засяродзіць увагу гледачоў на прыгожыя мясціны пасёлка, паказаць яго і ўзімку, і ў час паступовага, ледзь прыметнага набліжэння вясны.
Настрой фатографа ўдала дапаўняецца вершамі Таісы Роліч і Людмілы Баброўскай.

Калі вам самотна без сонца, або слотна на вуліцы -- прыходзьце ў бібліятэку, у нас утульна, прыгожа і паэтычна!

Работа Падсвільскай гарпасялковай бібліятэкі на працягу апошніх 10 год у рамках праграмы “Бібліятэка. Трэццяе месца”, “Бібліятэка – тэрыторыя творчасці” стварыла ўмовы для раскрыцця творчых талентаў жыхароў пасёлка. За гэты час было адкрыта больш 25 імён землякоў, якія знайшлі сябе ў музыцы, літарутуры, мастацкай і дэкратыўна-прыкладной творчасці.

Арганізацыя персанальных выстаў стымулюе сталых майстроў да пошуку новага ў абраным накірунку. А для пачынаючых – добры стымул і навука стварэння якасных работ і уменне прадставць сябе і свае творы перад публікай...

Яцкоўская С.П., заг. Падсвільскай гарпасялковай бібліяіэкі