На працягу 2021 года праходзіў абласны конкурс на лепшую публікацыю пра работнікаў культуры ў друкаваных сродках масавай інфармацыі (СМІ) “СЛУЖУ КУЛЬТУРЫ”, прысвечаным Году народнага адзінства.
Удзельнікі конкурсу павінны былі падрыхтаваць матэрыял для публікацыі ў друкаваных сродках масавай інфармацыі пра творчых работнікаў устаноў культуры.
Прыемна, што калектыў Падсвільскага цэнтра культуры цесна супрацоўнічае з калектывам Падсвільскай гарпасялковай бібліятэкі: бібліятэкар Наталля Аўласевіч станоўча адгукнулася на прапанову напісаць артыкул пра творчую дынастыю сям’і Вольгі Лубчонак (нашай калегі) і рязмясціць яго ў раённай газеце “Веснік Глыбоччыны”.
Як вынік – Дыплом лаўрэата І ступені!
Яшчэ адзін прыемны момант для філіяла № 3 Падсвільскі цэнтр культуры – дыплом удзельніка Рэспубліканскага адкрытага конкурса аматарскіх фільмаў Юрыя Тарыча “Я снимаю кино”, які праходзіў у Полацку. Калектыў прадставіў пазнавальны фільм “Маё Падсвілле” .
Віншуем! Жадаем новых творчых поспехаў!
#ГлыбоцкаяЦКС#культура#