26 сакавіка 2026 года ў Глыбоцкай ЦРБ  для бібліятэчных работнікаў ДУК ”Глыбоцкая ЦБС“ адбыўся тэматычны  семінар  ”Грамадзянска-патрыятычнае выхаванне ў бібліятэчным фармаце“

Загадчык сектара маркетынгу  В.Катовіч ўзгадала   асноўныя напрамкі  і задачы бібліятэк па грамадзянска-патрыятычным выхаванні  розных катэгорый чытачоў, расказала пра сучасныя формы, метады і перспектывы  патрыятычнай дзейнасці бібліятэк сістэмы.

Навуковы супрацоўнік Глыбоцкага гісторыка-этнаграфічнага музея Д.Абрамчык прадставіў цікавую медыяпрэзентацыю ”Глыбоччына  на старых паштоўках”.

Затым адбылася прэзентацыя кнігі ”Наш Прэзідэнт“, якую падрыхтавалі супрацоўнікі сектара маркетынгу В.Катовіч і К.Мікуліч. 

Бібліятэкар сектара маркетынгу М.Ізаітка прэзентавала краязнаўчы электронны рэсурс”Пазнай Глыбоччыну - і ты яе палюбіш“, які  па выніках абласнога конкурсу ў намінацыі ”Богатство Придвинского края“ быў адзначаны  дыпломам  3 ступені. 

Загадчык Шунеўскай сельскай бібліятэкі І.Нікіфаровіч падзялілася вопытам работы па патрыятычным выхаванні дзяцей і падлеткаў у рамках мэтавай праграмы ”Каб на зямлі асобай стаць, не трэба толькі нарадзіцца“ .Завяршыўся семінар падвядзеннем вынікаў і вырашэннем бягучых пытанняў.