У рамках рэспубліканскага праекта "Кожная пятніца — роднае, сваё" бібліятэкары Глыбоцкай дзіцячай бібліятэкі штотыднёва знаёмяць юных чытачоў з літаратурнымі юбілейнымі датамі Беларусі.

          13 сакавіка на малодшым абанеменце Глыбоцкай дзіцячай бібліятэкі пачала дзейнічаць кніжная выстава-рэкамендацыя “Зямны вандроўнік”, прысвечаная 95-годдзю з дня нараджэня вядомага беларускага пісьменніка, паэта, перакладчыка, публіцыста, драматурга Паўла Андрэевіча Місько.

          Павел Місько – сапраўдны мастак слова, творчасць якога прадстаўлена рознымі літаратурнымі жанрамі: раманам,  аповесцямі, апавяданнямі, нарысамі, казкамі і вершамі і інш. У іх гучыць заклік да справядлівасці, чалавечнасці, узаемадапамогі. Яго творы захапляюць багатым жыццёвым зместам і культурай пісьма.

          Нягледзячы на паспяховыя творы для дарослых чытачоў, асноўным пакліканнем Паўла Місько стала дзіцячая літаратура. Казкі, прыгодніцкія і фантастычныя творы Паўла Андрэевіча сталі сапраўднай класікай беларускай літаратурай.

         На выставе “Зямны вандроўнік” прадстаўлены вядомыя творы пісьменніка для дзяцей: “Прыгоды бульбобаў”, “Прыйдзі, дзень-залацень!”, “Грот афаліны”, “Эрпіды на планеце Зямля”, “Акрабат у бутэльцы”. Творы народжаны сапраўднай любоўю да дзяцей, неабыякавасцю да іх праблем і клопатаў, верай у непераможную сілу дабрыні, сяброўства, узаемадапамогі.

Загадчык бібліятэкі                                                                 Шарабайка М.Я.