У бібліятэках раёна прайшлі мерапрыемствы, прысвечаныя Дню праваслаўнай кнігі.

Бібліятэкар Псуеўскай сельскай бібліятэкі Паўлоўская Г.М. правяла гутарку-агляд “Праваслаўная кніга для дзяцей і бацькоў”.
Галіна Міхайлаўна расказала пра  значэнне праваслаўнай кнігі ў духоўна-маральным выхаванні асобы, як духоўная літаратура можа змяніць жыццё чалавека да лепшага, пра карысць чытання і значэнне яго ў жыцці людзей.
Затым яна пазнаёміла прысутных з  праваслаўнымі выданнямі. Асаблівая ўвага была ўдзелена творчасці Івана Шмялёва, Алены Якаўлевай-Інгушскай і Віктара Папова.
Завяршылася сустрэча аглядам кніжнай выставы, на якой былі прадстаўлена  выданні па гісторыі праваслаўя, жыццяпіс святых і падзвіжнікаў і мастацкія кнігі на духоўную тэму для дзяцей і дарослых.

 На старэйшым абанеменце Глыбоцкай дзіцячай бібліятэкі дзейнічае кніжная выстава-прагляд “Мы ў душах будуем храм”, прысвечаная Дню праваслаўнай кнігі.
На выставе прадстаўлены Біблія, Евангелле, Закон Божы, жыцці святых, кнігі аб праваслаўнай веры, святах,  вялікім пасце, сям'і і сямейных каштоўнасцях, а таксама праваслаўная мастацкая літаратура для дзяцей і дарослых.
Выстава будзе дзейнічаць да канца сакавіка. 

У Івесьскай сельскай бібліятэцы-клубе аформлена маляўнічая выстава духоўнай літаратуры "Кніжны свет праваслаўя", на якой чытачам прадстаўлены кнігі па гісторыі праваслаўя, праваслаўная мастацкая літаратура для дзяцей і дарослых.

Работнікі Падсвільскай гарпасялковай дзіцячай бібліятэкі падрыхтавалі і правялі з дзецьмі малодшага ўзросту гучнае чытанне «Добрыя гісторыі для маленькіх дзетак» па cthsb праваслаўных кніг «Зярняткі».
Бібліятэкары прачыталі некаторыя апавяданні са зборніка «Зярняткі» і разам з дзецьмі абмеркавалі пачутае, гаварылі пра дабро, добрыя ўчынкі і зрабілі выснову, што трэба рабіць як мага больш добрых спраў.

У Глыбоцкай раённай бібліятэцы cярод шматлікіх выданняў на выставе "Книги, которые лечат душу" прадстаўлены добра вядомыя кнігі Александра Дьяченко.
Тэматычная паліца  "Сергій Раданежскі — светач міру і любві" прапануе наведвальнікам пагартаць кнігі, інфармацыя аб якіх прадстаўлена на аднайменнай віртуальнай выставе  "Сергій Раданежскій — светач міру і любві". 
Віртуальныя выставы літаратуры духоўнага зместу прадстаўлены на нашым сайце ў раздзеле "Чтение для сердца и ума".