Напярэдадні Дня Канстытуцыі Рэспублікі Беларусь, які адзначаецца 15 сакавіка, работнікі Шунеўскай бібліятэкі прадставілі ўвазе чытачоў інфарм-паліцу “Закон, па якім мы жавём”.

Наведвальнікі бібліятэкі маглі пазнаёміцца з самой Канстытуцыяй, патрымаць галоўны закон краіны ў руках. Бібліятэкары прэзентавалі  наведвальнікам кнігу “Дзяржаўныя святы Рэспублікі Беларусь”, у якой можна даведацца пра гісторыю ўзнікненне Дня Канстытуцыі.

Дзеці знаёміліся з кнігай Г.  Васілевіч “Детям о Конституции: просто о главном”. Бібліятэкар Т. Аксяновіч правяла для юных наведвальнікаў агляд гэтага выдання. Школьнікі даведаліся з чаго пачыналася Дзяржаўнасць, як узнікла патрэба ў Канстытуцыі, якія правы і абавязкі прапісаны у асноўным законе, што такое Дзяржаўная ўлада, Усебеларускі народны сход, Парламент, органы мясцовага кіравання і г. д.

Дзеці паразважалі наконт таго, для чаго нам патрэбна Канстытуцыя, у чым яе карысць для народа. Адзінадушна пагадзіліся, што Канстытуцыя – асноўны закон,  які абараняе чалавека, яго жыццё, годнасць, з’яўляецца асновай для ўсіх астатніх законаў.

13.03.2026г.                 Бібліятэкар Шунеўскай бібліятэкі Т. Аксяновіч.

 

15 марта - День Конституции Республики Беларусь.

Напярэдадні Дня Канстытуцыі жыхары Глыбоцкага сацыяльнага пансіяната "Вішнёвы" і наведвальнікі Дзяржаўнай установы "Тэрытарыяльны цэнтр сацыяльнага абслугоўвання насельніцтва Глыбоцкага раёна" былі запрошаны на прававую гадзіну "Канстытуцыя - гарант міру і згоды".

Работнікі Глыбоцкай цэнтральннай раённай бібліятэкі зрабілі агляд кніжнай выставы "Конституция – гарант мира и согласия".  Бібліятэкар Жана Юркевіч расказала аб значэнні Канстытуцыі, яе ролі ў жыцці беларускага грамадства, гісторыі стварэння Канстытуцыі, аб дзеючай структуры і асновах прававой дзяржавы.

Слухачы пагадзіліся, што Канстытуцыя - гэта не проста тэкст, а надзейны падмурак, на якім трымаецца мірная і незалежная Беларусь. Быць дастойным грамадзянінам пачынаецца з павагі да свайго Асноўнага Закона.