Тыдзень патрыятызму, які запланаваны ў рабоце бібліятэк Глыбоцкай сістэмы,  раённая бібліятэка пачала адкрыццём у фае Глыбоцкай бібліятэкі сямейнага чытання Сцяны Памяці "Дзякуй салдатам Перамогі за тое, што не ведаем вайны".

Гэта тэматычны працяг і аб'яднанне разнастайных акцый, якія праводзяцца Глыбоцкай цэнтральнай раённай бібліятэкай сумесна з жыхарамі і гасцямі нашага горада і раёна ў Дзень Перамогі і Дзень вызвалення г. Глыбокае ад нямецка-фашысцкіх захопнікаў.

Так з'явіліся партрэты землякоў з расказамі пра іх подзвігі, затым жураўлікі з імёнамі герояў, у чые лёсы ўварвалася Вялікая Айчынная вайна. 

Бібліятэчная Сцяна Памяці паступова папаўняецца. Глыбоцкія чытачы з гонарам і трапятаннем пішуць імёны сваіх родных на жураўліках і "адпускаюць у неба": "ПАМЯТАЕМ ВАС, НАШЫ РОДНЫЯ!" 

На фатаграфіях – удзельнікі студыі паэтычнай творчасці "Сустрэчы для душы".

Юркевіч Ж.Б., бібліятэкар Глыбоцкай ЦРБ