Проста выпаў лёс такі

І ўвасобіўся ў слове:

Землякі мае ў Шклове

І ў Глыбокім землякі!

27 сакавіка ў занальным дзяржаўным архіве г.Глыбокае адбыўся вечар паэтычнага настрою “З любоўю да жыцця і слова”, прысвечаны юбілею паэта Алеся Жыгунова.

На сустрэчу былі запрошаны супрацоўнікі архіва і ўдзельнікі студыі паэтычнай творчасці “Сустрэчы для душы” Глыбоцкай цэнтральнай раённай бібліятэкі.

Вядучая мерапрыемства, бібліятэкар чытальнай залы Жанна Юркевіч, пазнаёміла прысутных з  жыццёвым і творчым шляхам паэта. Юбіляр, Алесь Міхайлавіч адказаў на шматлікія пытанні слухачоў, прачытаў вершы, якія ўвайшлі ў зборнік паэзіі “У храме радасці і смутку”.  

З прысутнымі сваімі уражаннямі аб даўнім плённым творчым супрацоўніцтве з паэтам, распавёў самадзейны кампазітар Браніслаў Грамакоўскі.  З прыемнасцю быў сустрэты міні-канцэрт з песень, напісаных кампазітрам на словы паэта. 

Супрацоўнікі архіва павіншавалі Алеся Міхайлавіча з юбілеем. Таццяна Аўласава ўнесла прапанову аб прыняцці ў архіў дакументаў паэта асабістага паходжання. Нэля Баравік пажадала аўтару далейшага творчага плёну ў працы. Алесь Міхайлавіч падараваў супрацоўнікам архіва аўтарскія зборнікі.