Юркевіч Ж.Б., кіраўнік студыі
паэтычнай творчасці
"Сустрэчы для душы"

Шостага сакавіка, напярэдадні жаночага дня, у цэнтральнай раённай бібліятэцы было весела і гучна. Тут адбыўся святочны канцэрт «Всё для тебя, родная!», падрыхтаваны сумесна студыяй паэтычнай творчасці "Сустрэчы для душы" і  наведвальнікамі аддзялення сацыяльнай рэабілітацыі для інвалідаў тэрытарыяльнага цэнтра сацыяльнага абслугоўвання  Глыбоцкага раёна "Крыніца".

Гэта было сапраўднае свята вясны і кахання! Гучалі песні, вершы, гумарэскі!  Усім да спадобы прыйшліся вясёлыя конкурсы і экспромт-сцэнкі. Супрацоўнікі бібліятэкі прэзентавалі выставу вершаваных зборнікаў  глыбоцкіх жанчын-паэтак. Падрыхтаваная бібліятэкарамі святочная відэапрэзентацыя “С праздником весны!” дабавіла гумарыстычную нотку ў сяброўскую сустрэчу. 

Шмат год творчага супрацоўніцтва звязваюць Глыбоцкую цэнтральную раённую бібліятэку і фізкультурна-аздараўленчую групу “Эдэльвейс”. Разам з актыўнымі і рухомымі жанчынамі праведзена шмат сумесных мерапрыемстваў, сустрэч, экскурсій, паездак. Вельмі цеснае сяброўства існуе паміж аздараўленчай групай “Эдэльвейс” і  паэтычнай студыі “Сустрэчы для душы”. 

Група “Эдэльвейс” стварылася на базе тэрытарыяльнага цэнтра сацыяльнага абслугоўвання насельніцтва. Таму 13 сакавіка з нагоды святочнага тыдня шырокай Масленіцы і 16-годдзя свайго існавання, "эдельвейсы" запрасілі "паэтак"  і бібліятэкараў  на святочную праграму.  Менавіта ў перыяд перад вялікім пастом, прынята рабіць дабро, падтрымліваць сяброў і знаёмых, дзяліцца з імі любоўю і радасцю... 

Удзельнікі аздараўленча-фізкультурнай групы арганізавалі невялікі канцэрт для гасцей. Сяброўкі паэтычнай студыі вынеслі на суд прысутных свае вершаваныя творы. Сустрэча адбылася радаснай, багатай на эмоцыі, усмешкі і песні!