“Наша мова самая звонкая, пявучая, жывая, непаўторная, ласкавая і самая дарагая для кожнага беларуса…” – такімі словамі Максіма Танка пачалося гучнае чытанне “Гучы, мая родная мова!”, якое прайшло 21 лютага ў памяшканні  ДУА "Карабоўская сярэдняя школа імя Р. І. Мацеюна".

У час мерапрыемства прысутныя пачулі і адчулі прыгажосць і мілагучнасць беларускага слова. Удзельнікі чыталі вершы класікаў беларускай літаратуры Я. Купалы, Я. Коласа, М. Танка і іншых беларускіх паэтаў.

Падчас мерапрыемства вучні пазнаёміліся з гісторыяй з’яўлення свята, вядучыя звярнулі ўвагу гледачоў на неабходнасць захавання беларускай мовы як нацыянальнага скарбу.

Заг. Карабоўскай сельскай  бібліятэкі-клуба Л.Ф. Спалівіс

Цік - так ходзікі

Мне чатыры годзікі,

Чуб ільняны светларусы

Тата з мамай беларусы.

П'ём гарачую гарбату

З мёдам майскім у прыкуску

І мяне бабуля вучыць
Размаўляць па беларуску.

За бабуляй паўтараю
Што ні слова быццам песня,
Белавежжа, Навагрудак Нарач,
Вязынка, Палессе.

Словы родныя люблю я
Вершаў ведаю багата,
Гукі мовы беларускай
Пахнуць верасам і мятай.

Такі верш Леаніда Пранчака слухалі і вучылі дзеткі, якія наведалі Запрудскую сельскую бібліятэку 21 лютага. А  яшчэ разгадвалі крыжаванку і малявалі рамонкі, на пялёстках якіх пісалі беларускія словы  да тэмы -- Беларусь, маці, мова.

Гаравая Г.К., бібліятэкар Запрудскай сельскай бібліятэкі

 У Дзеркаўшчынскай сельскай бібліятэцы Дзень роднай мовы прайшоў пад заклікам “Слаўлю цябе, беларуская

слова!” Наведвальнікаў сустракала выставу “Зорны вяночак беларускіх пісьменнікаў і паэтаў” і кожнага з іх бібліятэкары запрашалі прыняць удзел у моўнай акцыі  “Адкрый для сябе беларускую кнігу”. 

Дзеці і дарослыя актыўна і з цікавасцю адказвалі на пытанні віктарыны “Што ты ведаеш пра родную мову? 

На працягу дня работнікі бібліятэкі старанна размаўлялі на роднай мове, чым заахвочвалі да гэтага і наведвальнікаў! 

Бука В.В., загадчык Дзеркаўшчынскай сльскай бібліятэкі.