Ён з вайны не вярнуўся да хаты.

Ні зімой, ні вясной, ні летам…

А зямля так чакала салдата,

І надзеяй жыла яна гэтай…

Такімі словамі пачалася гадзіна памяці “А память  сердце бережёт” у Празароцкай сельскай бібліятэцы.

14 лютага, у дзень памяці воінаў-інтэрнацыялістаў, у бібліятэку былі запрошаны вучні Празароцкай школы. 

Бібліятэкар расказала прысутным гісторыю "невядомай" афганскай вайны, воінах-інтэрнацыяналістах Глыбоччыны і аб тых воінах, якія пражываюць на тэрыторыі Празароцкага сельскага савета, пазнаёміла з выставай-інстыляцыяй “Мы этой памяти верны”. 

Свята зберагае наша зямля  памяць аб сваіх сынах, якія з гонарам і годнасцю выконвалі свой ваенны абавязак.

З боллю ў сэрцах падлеткі расказвалі сваім аднакласнікам аб воінах- земляках, якія не вярнуліся з той жудаснай вайны ім ўсе разам ушанавалі памяць аб загінуўшых хвілінай маўчання.

Дзіцячая памяць, як губка, убірае ў сябе ўсе падзеі. І вельмі важна, што вучні сталі ўдзельнікамі гэтага мерапрыемства. Знаёмства з гісторыяй сваіх землякоў  дапамагае ім  дакрануцца да гісторыі краіны, захаваць памяць і праз пакаленне ўжо самім расказваць пра трагедыю афганскай вайны.