Да Дня памяці воінаў-інтэрнацыялістаў у Дзеркаўшчынскай сельскай бібліятэцы 15 лютага аформлена выстава-напамін“З той далёкай вайны”, якая будзе дзейнічаць да 24 лютага.

16 лютага  прайшоў дзень памяці –  “Памяць Афгана – боль Афгана”. У гэты дзень наведвальнікі бібліятэкі мелі магчымасць праслухаць агляд выставы; прагледзіць відэапрэзентацыі і  сустрэцца з воінам-інтэрнацыялістам, ураджэнцам нашага краю.

Гасцямі бібліятэкі былі вучні старэйшых класаў. Бібліятэкары пазнаёмілі іх выставай, на якой прадстаўлены наступныя матэрыялы:

- тэматычная папка “Пусть памяць говорит…”, якая змяшчае матэрыялы з часопісаў і газет  пра асоб і падзеі, якія маюць дачыненне да вайны ў Афганістане;

- папка-дасье “Памяць Афгана – боль Афгана” на воінаў-інтэрнацыялістаў, якія жывуць або нарадзіліся на тэрыторыі зоны абслугоўвання Дзеркаўшчынскай бібліятэкі;

- артыкулы з газеты “Веснік Глыбоччыны” пра ўдзельнікаў Афганскай вайны нашага раёна;

- творы мастацкай літаратуры афганскай тэматыкі, аўтарамі якіх з’яўляюцца Святлана Алексіевіч, Мікалай Чаргінец і Ганад Чарказан.

Бібліятэкар азнаёміла маладых людзей з гісторыяй афганскай вайны. Відэа-прэзентацыя з фотаздымкамі і песнямі, прысвечанымі вайне ў Афганістане, дапамагла больш маляўніча і эмацыянальна ўздзейнічаць на  прысутных.

Асноўнай падзеяй дня памяці стала сустрэча школьнікаў з зямляком і аднавяскоўцам Мікалаем Леанідавічам Касценевічам, воінам-інэрнацыяналістам.

Мікалай Леанідавіч адказваў на пытанні вядучай і дзяцей, успамінаў  жудасныя падзеі вайны, дзяліўся сваімі ўраджаннямі аб перажытым, нагадаў імёны сваіх аднапалчан, з якімі і зараз падтрымлівае сувязь праз інтэрнэт.

Спадзяёмся, што пачутае і ўбачанае было цікавым і пазнавальным для маладых людзей. А гутарка пра падзеі той вайны з Мікалаем Леанідавічам Касценевічам запомняцца надоўга.

Не дарэмна ж гавораць, што памяць патрэбна не мёртвым, памяць патрэбна жывым.