Супрацоўнікі Глыбоцкай цэнтральнай раённай бібліятэкі арганізавалі для падлеткаў новую сустрэчу з цікавым субяседнікам.

Хто стане чарговым госцем – падказала дата ў календары.15 лютага – дзень вываду войск з Афганістана.

На сустрэчу з  вучнямі Мярэцкаўскай базавай школы бібліятэкары запрасілі старшыню Глыбоцкай раённай арганізацыі грамадскага аб'яднання "Беларускі саюз ветэранаў вайны ў Афганістане" Антона Пятровіча Ждановіча, які ведаў пра Афганскую вайну не па чутках...

– Мост праз памежную раку Аму-Дар'ю і сотні жаночых вачэй, скіраваных туды, дзе ля шлагбаўма стаіць пагранічнік, і вось-вось павінна з'явіцца чарговая калона з нашымі салдатамі, – з гэтых слоў вядучай мерапрыемства, загадчыцы аддзела абслугоўвання і інфармацыі Глыбоцкай бібліятэкі і пачалася тэматычная сустрэча "Афганістан – ты боль маёй душы".

У дадатак да ўласных ўспамінаў Антона Пятровіча адбылася прэзентацыя ЭБД "Воіны-інтэрнацыяналісты Глыбоцкага раёна" і выставы тэматычнай літаратуры, якая экспанавалася тут жа, у актавай зале бібліятэкі.

– Перевернем истории страницу,
Затихнет вьюга тех горячих дней.
Кто был в Афганистане, пусть гордится,
Кто не бывал, об этом не жалей... , – гэтыя вершаваныя радкі, агучаныя Тамарай Антонаўнай, можна было лічыць лейтматывам паседжання клуба.