У прадсвяточны дзень святкавання  Вялікай Перамогі бібліятэкар Празароцкай сельскай бібліятэкі сустрэлася з навучэнцамі старэйшых класаў мясцовай школы, каб падзяліцца ўспамінамі правядзення Святочных мерапрыемстваў 50-гадовай даўнасці, калі адзначалася 30-годдзе Перамогі ў Вялікай Ачыннай вайне. 

У той час арганізаваны паездкі вучняў на мемарыяльны комплекс “Прарыў”(ён тады нядаўна быў адкрыты). Сярод па-святочнаму прыбраных жыхароў Празарок панаваў прыўзняты настрой. У Доме культуры ладзілася ўрачыстая вечарына з ушанаваннем дзесяткаў ветэранаў, у якім прымалі ўдзел супрацоўнікі Празароцкага сельскага Савета, праўлення калгаса “Празароцкі”, настаўнікаў і вучняў.

Менавіта тады першы раз прагучала песня “День Победы”. (Сл.У.Харытонава,муз.Д.Тухманава). Адметна, што традыцыя святкавання гэтых памятных дзён захавалася і прадаўжаецца. 

Сярод прысутных вылучаўся ўжо досыць пажылы чалавек  з медалямі “За отвагу” і “За победу над Германией в Великой Отечественной войне 1941-1945 г.г.”. Гэта  -  Гайдачэнка Яўхім Міхайлавіч (1899 - 1978). Яўхім Міхайлавіч удзельнічаў у наступальных баях 2-га Беларускага фронту ва Усходняй Прусіі, быў паранены. У мірным жыцці быў ціхім сціплым служачым, працаваў старшынёй сельскага Савета, у Зябкаўскім сельпо, загадчыкам бібліятэкі. 

Затым удзельнікі  сустрэчы азнаёміліся з трагічным лёсам Маціеўскага Фелікса Станіслававіча, 1916 г.н., жыхара в.Забалоцце. З першых дзён вайны ён папаў у варожы палон у г. Ліда.

Праўнучка Ф. С. Маціеўскага знайшла картку вязня канцлагера Шталаг-17 А (Аўстрыя), дзе значыцца, што Фелікс Станіслававіч памёр 06.02.1942 года. На радзіме засталася маладая жонка з дзіцем-немаўляткам, якую чакала няпростае жыццё ўдавы…

 Настаўнік гісторыі Сулімава М.А.  кранальна распавяла аб франтавых дарогах свайго бацькі – Буёнка Адольфа Іосіфавіча, 1925 г.н. , жыхара в.Псуя,  узнагароджанага Ордэнам Чырвонай Зоркі, медалём “За отвагу”, іншымі значнымі ўзнагародамі. 

Школьнікі пазнаёміліся з краязнаўчымі матэрыяламі, звязанымі з тэмай Вялікай Айчыннай вайны на Празароччыне.

Бібліятэкар Празароцкай сельскай бібліятэкі В.І.Бурэнь

08.05.2025 г.