7 мая ў вёсцы Запруддзе, каля помніка загінуўшым у гады Вялікай Айчыннай вайны землякам, адбыўся мітынг-рэквіем “Победа остаётся молодой”, прысвечаны 80-годдзю  Вялікай Перамогі.

У мерапрыемстве прынялі ўдзел старшыня мясцовага сельсавета Заяц Б.І., дэпутат раённага савета дэпутатаў Дубаўка В.У. , настаўнікі і  вучні Залескай сярэдняй школы, мясцовыя жыхары.

Вядучыя – загадчык Запрудскага Дома фальклору Жалткевіч А.В. і бібліятэкар Гаравая Г.Р. напомнілі аб страшных момантах Вялікай Айчыннай вайны, якія нельга забываць і заклікалі маладое пакаленне помніць аб гэтым і імкнуцца да мірнага жыцця. Мітынг завяршыўся такімі словамі: “Пройдут годы, десятилетия. Придут новые поколения, но вечно будут жить герои в памяти людской!”

Мерапрыемства прадоўжылася ў глядзельнай зале культустановы. Для ўдзельнікаў мітынга адбыўся канцэрт, падчас якога гучалі песні ваенных часоў у выкананні Валянціны Пятроўскай, Тадэуша Бельскага, Кацярыны Шырэй і інш.

Бібліятэкар Запрудскай бібліятэкі аформіла кніжную выставу “У книжной памяти мгновения войны”, на якой прадставіла творы ваеннай тэматыкі беларускіх і рускіх аўтараў.  Для прысутных бібліятэкары сельскай бібліятэкі і бібліятэкі-перасоўкі правялі міні-акцыю "Верш у кішэні" -- раздалі лістоўкі з вершамі беларускіх паэтаў пра вайну.