У аграгарадку Гатаўшчына, ля помніка загінуўшым землякам у гады Вялікай Айчыннай вайны, адбылася гадзіна памяці,  падрыхтаваная супрацоўнікамі  Гатаўшчынскай бібліятэкі – клуба сумесна  з настаўнікамі  і вучнямі ДУА “Азярэцкая сярэдняя школа Глыбоцкага раёна”.

На ўрачыстым адкрыцці мерапрыемства з прывітальнымі словамі да прысутных звярнуўся старшыня Пліскага сельскага выканаўчага камітэта Васіль Мікалаевіч Пліско. Сардэчна павіншаваў усіх са светлым Днём Перамогі.  Чыстага неба, яркага сонца, міру, радасці і шчасця пажадаў Васіль Мікалаевіч прысутным.

Падчас мерапрыемства былі коратка раскрыты падзеі ваенных гадоў. Успомнілі пра тое, якімі намаганнямі дасягнута вялікая Перамога. Гучалі вершы і песні ваеннай тэматыкі. Голас Левітана, песня “Священная война” яшчэ раз нагадалі прысутным як цяжка давялося нашым дзедам і прадзедам адваяваць свабоду і незалежнасць для будучых пакаленняў.

Пасля ўскладання  жывых кветак і вянкоў да помніка, ушанавалі хвілінай маўчання памяць аб загінуўшых абаронцах Айчыны, аб земляках.

Памяць аб гэтай падзеі і павага да тых, хто бясстрашна змагаўся за будучыню свайго народа, свята захоўваецца ў сэрцах нашых людзей. Няхай будзе мірным неба над многімі і многімі пакаленнямі, а сэрцы нашы б'юцца ў такт з сэрцам Радзімы! Няхай нашы дзеці і ўнукі нашых унукаў будуць памятаць аб стойкасці,  мужнасці беларускага народа і ганарыцца подзвігамі яго герояў!

Загадчык Гатаўшчынскай бібліятэкі – клуба Грыдзюшка З.І.