Радняцца людзі, сем’і, гарады,

Агульным домам сустракаюць святы,

І сёння і стары, і малады

Сабраліся ў Шаркоўшчыне,

у Спас Яблычны, багаты!

Студыя паэтычнай творчасці “Сустрэчы для душы”, якая працуе пры Глыбоцкай цэнтральнай раённай бібліятэцы, прыняла ўдзел у правядзенні свята аматарскіх аб’яднанняў “Яблычны фэст”, прысвечаны Году міру і стварэння.

Свята праводзіцца ў вёсцы Алашкі Шаркаўшчынскага раёна, на радзіме вядомага селекцыянера Івана Паўлавіча Сікоры, з мэтай падтрымкі сацыяльна значных творчых ініцыятыў клубаў па інтарэсах.

Свята не толькі дае магчымасць тврчым людзям паказаць свае таленты, але і  папулярызуе брэнды гарадоў і раёнаў Віцебшчыны сродкамі культуры; далучае насельніцтва да нацыянальных традыцый і духоўных каштоўнасцяў; вядзе эстэтычнае і зкалагічнае выхаванне насельніцтва сродкамі мастацтва.

Удзельнікі студыі паэтычнай творчасці прадставілі візітную карту свайго аб’яднання на краязнаўчую тэматыку у намінацыі “Жыць у мірнай краіне, ствараць сапраўднае шчасце”.

Удзельніца студыі Святлана Баброўская прачытала верш Алеся Жыгунова “Такая выпала дарога”. Вядома, што у паэтычнай студыі ўдзельнікі не толькі пішуць і чытаюць вершы, але і спяваюць. У іх выкананні прагучала песня “Глыбоцкі вальс”. Вядучая Жанна Юркевіч прачытала верш Галіны Сутула, які быў напісаны спецыяльна для яблычнага фестывалю.

За працу студыя паэтычнай творчасці атрымала дыплом за удзел у абласным свяце аматарскіх аб’яднанняў “ЯБЛЫЧНЫ ФЭСТ”.

Юркевіч Ж.Б., бібліятэкар чытальнай залы Глыбоцкай ЦРБ