Да 75-годдзя вызвалення Беларусі Падсвільская гарпасялковая бібліятэка праводзіць з мая па ліпень бібліятэчную акцыю “Ты выстаяў край мой родны”. У рамках акцыі адбудзецца шэраг мерапрыемстваў для чытачоў і жыхароў пасёлка:

Ваенна-патрыятычныя чытанні “Вершамі аб героях Перамогі”.

Падчас чытанняў наведвальнікі бібліятэкі маюць магчымасць узгадаць па памяці альбо прачытаць з кнігі вершы аб вайне. Ваенна-патрыятычныя чытанні вельмі цёпла ўспрыняліся чытачамі,  абуджалі памяць, успаміны, выклікалі жаданне ўзяць паэтычныя зборнікі на дом.

Кніжная панарама  “Война! Твой горький след и в книге, что на полке” прадстаўляе мастацкія творы аб Вялікай Айчыннай вайне на Беларусі. Дзякуючы мастацкім творам аб вайне, напісаным відавочцамі тых драматычных і гераічных падзей, іх псіхалагізму і гістарычнай дакладнасці, сённяшняя моладзь можа даведацца аб вайне, адчуць чужы боль як свой, зразумець, наколькі цяжкі быў шлях да Перамогі.

Выстава-рэквіем “Веліч народнага подзвіга” да 75-годдзя вызвалення Глыбоччыны  раскрывае гісторыю вызывалення Беларусі і нашай Глыбоччыны.  Выстава суправаджаецца карцінамі ваеннай тэматыкі. 

Дзень сямейных рэліквій“У спадчыну нашчадкам”  быў прысвечаны 75 -годдзю вызвалення Беларусі. Бібліятэкары звярнуліся да чытачоў з просьбай прынесці фотаздымкі сваіх дзядоў і бабуль, родных, якія былі непасрэднымі ўдзельнікамі Вялікай Айчыннай вайны. Дзякуючы сваім чытачам, супрацоўнікі бібліятэкі змаглі папоўніць тэматычную папку-дасье “Жыццё апаленае вайной” з успамінамі сведкаў вайны.

 Усіх жыхароў пасёлка запрашаем прыняць удзел у святочным шэсці 
ў дзень вызвалення Падсвілля ад нямецка-фашысцкіх захопнікаў,
якое адбудзецца 2 ліпеня ў 15.00 гадзін.

Просьба мець з сабой фотаздымкі родных, удзельнікаў вайны.   

  Даведка па тэл. 3 53 74, 3 353 83 ( бібліятэка, Дом культуры)