У  Празароцкай сельскай бібліятэцы прайшло чарговае пасяджэнне дзіцячага экалагічнага клуба”Крынічка”.

Для сяброў клуба бібліятэка правяла прэзентацыю кнігі  М.П. Пазнякова “Святло дабрыні”.

Дзеці з задавальненнем  пазнаёміліся з новай кнігай пісьменніка, якая з’яўляецца своеасаблівай паэтычнай  энцыклапедыяй навакольнага свету. У вершах і казках паэт апявае любоў да  Радзімы, прыгажосць і багацце роднай прыроды. Апавядае  пра клопаты , захапленні, забавы і мары хлопчыкаў і дзяўчынак. Вучыць любіць  і шанаваць усё жывое і непаўторнае.

Дзеці  актыўна чыталі вершы, узгадвалі крылатыя выразы пра прыроду,  спаборнічалі ў агучванні скарагаворак, разгадвалі каламбуры, актыўна адгадвалі загадкі. Усё гэта абуджае фантазію, развівае кемлівасць і цікавасць да роднай прыроды, да жывога беларускага слова.