На пачатку 2016 года Віцебская абласная бібліятэка аб'явіла конкурс відэаролікаў "Чытаем Багдановіча разам", прысвечанага 125-годдзю з дня нараджэння беларускага паэта Максіма Багдановіча і прымеркаванага да Году культуры ў Рэспубліцы Беларусь.

Глыбоцкая цэнтральная раённая бібліятэка прыняла ўдзел у конкурсе і прадставіла сваю творчую работу.  Вядома, што творы Максіма Багдановіча прадстаўлены больш чым на 20-цю мовах. Бібліятэкары вырашылі паказаць, як гучыць на розных мовах адзін з вядомейшых вершаў паэта "Слуцкія ткачыхі".

У гэтым нам дапамаглі нашы шаноўныя глыбачане - вучаніца СШ №2 Дар'я Шур, студэнтка Мінскага лінгвістычнага ўніверсітэтаКацярына Якімовіч, супрацоўнікі дзяржаўнай падатковай інспекцыі Тэрэса Вацлаваўна Кісель і Раіса Фёдараўна Калбасіч, літаратар і перакладчык Віталь Воранаў, выкладчык дзіцячай школы мастацтваў Ніна Францаўна Казлоўская, дырэктар Глыбоцкага дома рамёстваў Святлана Анатольеўна Скавырка і ўсім добра вядомыя супрацоўнікі раённай газеты "Веснік Глыбоччыны" Анатоль Усцінавіч Зінкевіч і Алесь Міхайлавіч Жыгуноў.

Зразумела, што фільм не быў бы створаны без відэааператара Центра традыцыйнай культуры і народнай творчасці Уладзіслава Уладзіслававіча Барыла.)))

Запрашаем усіх яшчэ раз паслухаць цудоўнейшы, пявучы і глыбока сімвалічны верш аб любові да Радзімы... 

{youtube}fcJ1mq22kXQ{/youtube}