У рамках арт-праекта "Запрашальны квіток", які рэалізуецца пад кіраўніцтвам настаўніцы Ганны Зінкевіч у Мярэцкаўскай базавай школе, прайшло чарговае мерапрыемства, прысвечанае творчасці вядомай паэтэсы Тамары Красновай-Гусачэнка.

Мерапрыемства пачалося з конкурсу чытальнікаў "Я не скажу, как пишутся стихи", які адкрыў вучань 7 класа Іван Паклонскі. Журы конкурсу ў складзе дырэктара школы І.Гражэўскай, настаўніцы рускай мовы і літаратуры Т.Баравік і бібліятэкара Марцыбылінскай сельскай бібліятэкі К.Счаснай не проста было вызначыць самага лепшага чытальніка. Па іх рашэнні, пераможцай стала пяцікласніца Ганна Кулашка.

Прэзентацыю "Тамара Краснова-Гусачэнка - лаўрэат Першай Нацыянальнай літаратурнай прэміі" падрыхтавала бібліятэкар Марцыбылінскай сельскай бібліятэкі Крысціна Счасная. http://ru.calameo.com/read/003017988df4b42f8c277

Яе калега, школьны бібліятэкар Святлана Гражэўская аформіла выставу кніг "Стихи растут из всего, что вокруг меня".

Уся пазнавальная інфармацыя пра паэтэсу найлепшым чынам падрыхтавала вучняў да ўспрыняцця яе творчасці, дапамагла ў асэнсаванні лірычных вобразаў.

                                                                                           Даведка.

        Тамара Краснова-Гусачэнка, паэт, празаік, публіцыст. Яна - аўтар больш 20-ці кніг вершаўі празаічных твораў, твораў для дзяцей, у якіх адлюстроўваюцца глыбока гуманістычныя філасофскія матывы.

        Паэтэса з'яўляецца лаўрэатам Першай Нацыянальнай літаратурнай прэміі ў намінацыі "Паэзія", лаўрэат Міжнароднай літаратурнай прэміі імя Омеона Полацкага, Усерасійскай літаратурнай прэміі “Русский путь" імя Фёдара Тютчава.

        Тамара Іванаўна - член Праўлення Саюза пісьменнікаў Саюзнай дзяржавы і Прэзідыума Саюза пісьменнікаў Беларусі, старшыня Віцебскага абласнога аддзялення ГА "Саюз пісьменнікаў Беларус» з 2005года, аўтар слоў гімна горада Віцебск.