«Беларусам ёсць чым ганарыцца». Так лічыць расійскі пісьменнік і гісторык Аляксандр Чаромін.

Сустрэча з ім прайшла на мінулым тыдні ў Глыбоцкай цэнтральнай раённай бібліятэцы. Дырэктар бібліятэкі Валянціна Спасібёнак прадставіла яго прысутным і паведаміла, што гэта першы прыезд пісьменніка ў Глыбокае. Аўтар прэзентаваў дзве свае кнігі: "Полоцкое княжество (ІХ-ХІУ века)" і "Туровское княжество (Х-ХІУ века)". Падчас сустрэчы Аляксандр Чаромін расказаў пра тое, як прыйшоў у літаратуру, чаму захапіўся менавіта гісторыяй Беларусі і хто дапамагае яму ў падрыхтоўцы кніг, падзяліўся творчымі планамі.

«Калі ўзнікла пытанне, якую краіну вывучаць Украіну ці Беларусь, я выбраў Беларусь. Ваша краіна заўсёды была "калідорам". 3 поўдня, поўначы, захаду і ўсходу сюды хто толькі не прыходзіў, але беларусы не асіміляваліся і не зніклі, захавалі сваю мову, свае традыцыі, – сказаў аўтар. - Я ўпершыню пабываў у Беларусі напрыканцы 90-х і быў прыемна здзіўлены».

Аляксандр Чаромін адзначыў таксама, што ён шмат працаваў у архівах і нацыянальных бібліятэках Польшчы, Кітая, Швецыі, Турцыі, ЗША, Украіны, Ватыкана і іншых краін. Па яго падліках, упамінанні пра землі сучаснай Беларусі сустракаюцца ў архівах 18 краін свету. "Беларусам ёсць чым ганарыцца. У вас багатая, але, на жаль, мала вывучаная гісторыя", лічыць пісьменнік.

Аляксандр Аляксандравіч дарэчы, плануе выдаць каля дваццаці кніг, прысвечаных гісторыі Беларусі. Прэзентацыя новай кнігі аўтара, прысвечанай гісторыі горада Брэста, пройдзе 9 мая ў Цэнтральным музеі Вялікай Айчыннай вайны на Паклоннай гары ў Маскве.

Кнігі Аляксандра Чароміна будуць цікавымі для шырокага кола чытачоў. 3 некаторымі манаграфіямі "Полоцкое княжество (ІХ-ХІУ века)" і «Туровское княжество (Х-ХІ века)" можна пазнаёміцца ў Глыбоцкай цэнтральнай раённай бібліятэцы. Гэтыя кнігі ёсць і ў фондах сельскіх бібліятэк.

Даведка. Аляксандр Чаромін пісьменнік, гісторык, эксперт па гісторыі Расіі і сумежных дзяржаў. Нарадзіўся ў Астрахані. Закончыў факультэт "Архіўная справа” Маскоўскага дзяржаўнага гісторыка-архіўнага інстытута. Займаецца пытаннямі, якія найбольш фальсіфікаваныя і насілі грыф сакрэтнасці. Аляксандр Чаромін аўтар больш 110 публікацый па гісторыі Расіі і сумежных дзяржаў, краязнаўстве, ваеннай гісторыі, генеалогіі, паліталогіі, геапалітыцы. Аўтар манаграфій "Старая Астрахань (XII XVI века)", "Правда о Великой Отечественной войне. Из истории 349-й стрелковой дивизии», «Правда о Великой Отечественной войне. Из истории 123-го Днепропетровского отдельного моторизованного понтонно-мостового Венского орденов Александра Невского и Красной Звезды батальона», «Награды СССР за труд», «Награды СССР за военные заслуги» і іншых.

Наталля БЕЛЬСКАЯ

Веснік Глыбоччыны.- 2016.- 24 лютага.- С 4