«В Беларуси есть два поэта: Якуб Колас и Янко Купала – очень интересные ребята… Просто так пишут, задушевно, грустно, искренне…» – так з цеплынёй пра нашых песняроў пісаў Максім Горкі. І сапраўды, з іх творчасцю кожны беларус знаёміцца з маленства: іх вершы чытаюць у дзіцячым садку, іх творы вывучаюць у школе.
2022 год – для нас паэтычна асаблівы. Улетку, 7 ліпеня, у Беларусі адзначалі 140-гадовы юбілей Янкі Купалы. А сёння, 3 лістапада, краіна святкуе 140-ю гадавіну з дня нараджэння Якуба Коласа.
У чытальнай зале Глыбоцкай цэнтральнай раённай бібліятэкі кніжная экспазіцыя якраз і аб’яднала творы двух слынных песняроў і прысвечаныя ім кнігі.
