У Глыбоцкай дзіцячай бібліятэцы адбылося чарговае паседжанне клуба “Калейдаскоп”. Члены клуба адправіліся ў літаратурнае падарожжа “Па старонках кніг Яўгенія Пермяка” , прымеркаванае да 120-годдзя пісьменніка. 
Спачатку дзеці пазнаёміліся з біяграфіяй пісьменніка, а потым абмяркоўвалі яго апавяданні “Смородинка”, “Пичугин мост”, “Удачливый рыбак”, “За что?”, “Надёжный человек” і казкі “Мелкие калоши”, “Пропавшие нитки”. На працягу мерапрыемства чацвёртакласнікі адгадвалі загадкі; складалі прыказку; пазнаёміліся з цікавай інфармацыяй пра крыжадзюба і чорныя парэчкі; прымалі ўдзел у гульнях “Перайдзі балота”, “Нажыўка”, “Іголка і нітка”, “Два блізкія сябры”.
Напрыканцы мерапрыемства вучні пазнаёміліся з выставай кніг пісьменніка. Разгледжаныя творы не пакінулі абыякавымі дзяцей, і яны з задавальненнем узялі дадому кнігі Я. Пермяка
Бібліятэкар А.А. Хахолка
