З нагоды   140-годдзя з дня нараджэння  вядомых  беларускіх класікаў Я.Купалы і Я.Коласа ў бібліятэках ДУК “Глыбоцкая ЦБС” з пачатку года дзейнічаюць кніжныя выставы “Беларускія пісьменнікі – дзецям”, “Не знікне цуд прыгожага пісьменства”, “Песняры Беларусі сінявокай”, “Ёсць імёны і ёсць такія даты”, якія поўна раскрываюць творчасць літаратараў.

Супрацоўнікамі бібліятэк былі  падрыхтаваны таксама разнастайныя мерапрыемствы.Так, вусны часопіс “Песняры беларускай зямлі” праведзены ў Псуеўскай бібліятэцы. Падчас мерапрыемства старшакласнікі ў чарговы раз прайшліся сцежкамі-дарожкамі Купалы і Коласа. Бібліятэкар нагадала асноўныя жыццёвыя і творчыя звесткі пра мастакоў слова.  Апошняя старонка часопіса змяшчала гульні і забавы, крыжаванкі,  звязаныя з жыццём і творчасцю юбіляраў. Дзеці  з цікавасцю прымалі ў іх  удзел і адказвалі на пытанні.

    Літаратурная гадзіна “Яго паэзія вечна жывая” праведзена  ў Дзеркаўшчынскай, слайд-кампазіцыя “Слова Купалы, як папараць – кветка” – Чарневіцкай,  паэтычны вяночак “Не згіне цуд прыгожага пісьменства” – Бортнікаўскай бібліятэках, віртуальны агляд “Гучыць праз стагоддзе Купалава словы” –у  Азярэцкай бібліятэцы-музеі этнаграфіі. У Шунеўскай бібліятэцы прайшоў Тыдзень купалаўскіх чытанняў “Паклон прымі ад нас, пясняр”. Дарослыя і дзеці чыталі розныя творы вядомага класіка.

  У   Івесьскай  бібліятэцы прайшоў дзень беларускай кнігі “Чароўная мова, знаёмы радок…” і прысвячаўся дню нараджэння Янкі Купалы. У гэты дзень у бібліятэцы была арганізавана кніжная выстава твораў юбіляра, а ў парку адпачынку прайшлі невялікія чытанні вершаў Купалы. Да юбілею камедыі Я. Купалы “Паўлінка”  створана відэапрэзентацыя, прагляд якой таксама прайшоў у гэты дзень.

      Заг.АБМ   А.М.Татарчук