У Празароцкай сельскай бібліятэцы адбылася прэзентацыя кнігі “Глыбоччыны духоўнасці глыбіні”.

Гэта адзіная кніга на Беларусі, у якой сабраны багацейшы фальклорны матэрыял нашага раёна. Бібліятэкар А.В.Сабачэўская вяла размову са школьнікамі пра вусную народную творчасць і традыцыі роднага краю. Дзеці даведаліся аб песнях, паданнях, народных абрадах, гульнях, якія існуюць у кожнай мясцовасці нашага раёна.

У бібліятэцы была аформлена выстава работ мясцовай майстрыхі Марыі Віктараўны Фурс, якая пруткамі і шыдэльцам стварае цудоўныя вяселыя лялькі.

Заключным і найбольш цікавым акордам прэзентацыі стала наведванне на даму Марыі Феліксаўны Безубёнак. Яна адна са старэйшых носьбітаў вуснай народнай спадчыны Празароцкага краю. У кнізе “Глыбоччыны духоўнасці глыбіні” змешчана шмат  песень і паданняў, запісаных з вуснаў Марыі Феліксаўны.