20 красавіка члены клуба “Калейдаскоп” Глыбоцкай дзіцячай бібліятэкі наведалі мультгасцёўню “Свет цудоўных казачных імгненняў”.

Яны змаглі не толькі ўбачыць фрагменты вядомых мультыплікацыйных фільмаў, але і пазнаёміцца з кнігамі і аўтарамі казачных гісторый, паводле якіх зняты мультфільмы (Г.Х. Андерсен “Гадкий утёнок”, А. Милн “Винни-Пух и все-все-все”, К. Чуковский “Тараканище”, “Айболит”, Э. Успенский “Дядя Фёдор, пёс и кот”, “Крокодил Гена и его друзья”, “Гарантийные человечки”).                                   

У ходзе мерапрыемства дзеці адгадвалі загадкі; адказвалі на пытанні віктарыны; даведаліся аб паходжанні імёнаў “Вінні-Пух” і “Чабурашка”, гісторыі напісання казкі “Айбаліт”; удзельнічалі ў гульнях “Пакажы настрой”, “Мора хвалюецца…”; пазнаёміліся з  выставай “Кніга з мульцікам сябруе”.            

Закончылася мерапрыемства словамі Э. Успенскага: “Калі вы хочаце даведацца, наколькі разумнейшым і лепшым становіцца чалавек, які прачытаў тысячу кніг, прачытайце тысячу кніг”. А потым дзеці ўзялі дадому кнігі, якія ім спадабаліся.

  Бібліятэкар                                А.А.Хахолка