9 снежня 2021 года адзначалася  130-годдзе вядомага беларускага песняра Максіма Багдановіча.

У гэты дзень Шунеўская бібліятэка запрасіла вучняў 6 класа на юбілейную хвілінку “Прытча пра васількі”. Да мерапрыемства была аформлена выстава “Пясняр чыстае красы”.

Дзеці пазнаёміліся з жыццёвым і творчым шляхам паэта, успомнілі вершы, з якімі знаёміліся яшчэ ў пачатковых класах, самі прачыталі урыўкі з некаторых вершаў.

Зацікавіла іх тое, што многія творы Багдановіча пакладзены на музыку. З задавальненнем паслухалі школьнікі песні  “Слуцкія ткачыхі” у выкананні Г. Калдуна, “Вераніка” у выкананні “Песняроў” і “Зорка венера” у выкананні Я. Навуменкі.

Больш падрабязна спыніліся на абмеркаванні “Прытчы пра васількі”. Паразважалі аб тым, што прыгажосць, гэта тое, што патрэбна людзям у любых умовах. Чалавек нараджаецца і яму спяваюць калыханкі, бярэ шлюб – яму спяваюць вясельныя песні, розныя святы таксама не абыходзяцца без песень, нават, калі чалавек памірае, людзі таксама спяваюць памінальныя песні. Толькі ад прыгажосці ўзбагачаецца душа чалавека.

Васількі растуць у жыце, здаецца, зусім непатрэбная расліна, трэба б было выкарчаваць яе з коранем, а рука не паднімаецца – прыгажосць. Можна працаваць, не разгінаючы спіну, можна нічога не рабіць, але прыгажосць павінны усе бачыць і чуць, бо яна робіць нас людзьмі, толькі тады не зачарсцвее душа чалавека.

“Добра быць коласам, але шчаслівы той, каму дадзена быць васільком, бо нашто каласы, калі няма васількоў” (М. Багдановіч)

10 снежня  2021г.                заг. бібліятэкі І. Нікіфаровіч