“Наша пресса – на все интересы”- пад такой назвай напрыканцы кастрычніка быў праведзены інфармацыйны прэскур’ер для дзяцей малодшага ўзросту і асобна для падлеткаў. Напачатку мерапрыемства зрабілі кароткі экскурс у гісторыю, з якога прысутныя даведаліся пра тое, як выглядалі першыя газеты, што азначае слова “газета” і чаму яна так называецца, калі з’явілася прафесія “журналіст”.
Бібліятэкар больш падрабязна расказала пра часопісы і газеты , якія атрымлівае бібліятэка. Адкрыццём для слухачоў было тое, што самым старэйшым часопісам аказалася “Алеся”, ранейшая “Работніца і сялянка”, а наша раённая газета “Веснік Глыбоччыны” перш называлася “Шлях перамогі”. Самі дзеці вызначалі газеты, якія адносяцца да рэспубліканскіх, абласных і раённых, спрабавалі характарызаваць часопісы па тэматыцы, па узроставай катэгорыі і па перыядычнасці.
Для малодшых школьнікаў была праведзена прэзентацыя часопісаў “Веселый зоопарк”, “Непоседа”, “Вясёлка”, “Детская газета”. Асабліва цікавым для іх было даведацца, што “Веселый зоопарк” і “Непоседа” сталі выходзіць з мабільным дадаткам. Скачаўшы дадатак, можна “ажывіць” карцінку з дапамогай мабільнага тэлефона або планшэта. 
Нікіфаровіч І.Ф., загадчык Шунеўскай сельскай бібліятэкі
1 лістапада 2018 года
