1 чэрвеня 2014 г. у Бібліятэцы сямейнага чытання адбылася творчая вечарына Ганны Шакола "Музыка гучыць у маёй душы".
Ганна Шакола прэзентавала новы зборнік песень "Табе, маё Глыбокае!", выхад якога прыўрочаны да 600-годдзя горада.
На вечарыне прагучалі песні Ганны Казіміраўны, напісаныя на вершы глыбачан Віталя Гарановіча, Галіны Сутула, Зоі Наваенка, Ганны Зінкевіч, Алены Пажога, Таццяны Ломыш, Наталлі Молакавай і іншых землякоў.
Багацце пачуццяў, якое месціцца ў душы гэтай таленавітай жанчыны шырока раскрылася ў цудоўных песнях, што гучалі ў выкананні аўтара.
Добрыя словы падзякі, шчырыя пажаданні здароўя і творчасці гучалі ў адрас Ганны Казіміраўны.
На вечарыне прысутнічала маці Ганны, дачка з сям'ёй, родныя, сябры і прыхільнікі творчасці...