26 снежны 2016 года ў Глыбоцкай бібліятэцы сямейнага чытання адбылося адкрыццё выставы малюнкаў Златы Толкач.

Злата Толкач - вучаніца 9 класа Падсвільскай школы.  Таленавітая дзяўчынка, яна самастойна авалодала мастацтвам малявання і спрабуе сябе ў розных жанрах - партрэт, пейзаж, анімалістыка, амнімэ.  Свае работы Злата захоўвае дома, дорыць сябрам і родным. 

На пытанне, што падштурхоўвае да творчасці, Злата адказала коратка: "Музыка". Спалучэнне музыкі і ўяўлення нараджае ў дзяўчынкі жаданне выказаць свае эмоцыі праз фарбы. Магчыма, так і нараджаецца сапраўднае мастацтва - з пачуцця прыгажосці, любові да свайго асяроддзя і мар аб нязведанным. 

Мы рады, што Бібліятэка сямейнай творчасці становіцца першай выставачнай плошчай для таленавітых дзяцей і падлетакаў. Упэўнены, што  адкрыцё персанальнай выставы Златы Толкач стане яе першай, але не апошняй творчай вяршыняй...