У Дзеркаўшчынскай бібліятэцы з 1 снежня дзейнічае выстава малюнкаў “Я малюю для душы”Станкевіч Францішкі Францаўны.
Жыхарка вёскі Латыгаль, звычайная вясковая жанчына, яна ніколі раней не малявала, ні ў дзяцінстве, ні ў пазнейшым узросце.
У верасні 2015 года захварэла. Часу свабоднага стала шмат, гэта і падштурхнула Францішку Францаўну ўзяць у рукі пэндзаль і фарбы.
Сюжэты для сваіх малюнкаў Францішка Францаўна прыдумвае сама. На малюнках адлюстраваны мясцовыя жыхары, краявіды вёскі Латыгаль, вобразы з далёкага мінулага, дзіцячыя ўяўленні свету і інш.
У ліпені 2016 года выстава малюнкаў Францішкі Францаўны была прадстаўлена на Славянскім базары ў г. Віцебску. Яе работы былі адзначаны дыпломам “Удзельніка V нацыянальнай выставы наіўнага мастацтва“INSПА-2016”, прысвечанай 120-годдзю з дня нараджэння Алены Кіш”.
***
Прымітывізм, наіўнае (інсітнае) мастацтва - плынь у выяўленчым мастацтве канца XIX - пачатку XX ст., прадстаўнікі якога спрашчаюць мастацкія сродкі і вобразы. Самымі яркімі прадстаўнікамі прымітывізму былі А. Русо, К. Бомбуа - Францыя, Н. Пиросманашвили - Грузія, І. Генералич - Харватыя і інш.
На Беларусі гэта знакамітымі «маляванкi» Алены Кіш, разьба па дрэве Мікалая Тарасюка, пейзажы на оргалите і размаляваныя цыраты Васіля Жарнасека
А пра стан інсітнага мастацтва можна прачытаць ў артыкуле І.Овсепьян "Как это наивно". Чытаць артыкул цалкам на партале «СБ»: http://www.sb.by/kultura/article/kak-eto-naivno.html