З 20 лютага па 20 сакавіка ў Дзеркаўшчынскай сельскай бібліятэцы дзейнічае выстава малюнкаў “Маляўнічыя краявіды". Іх аўтар  - Таццяна Жук.

Таццяна Мікалаеўна Жук - яркая самабытная асоба, якую Бог надзяліў прыгажосцю, розумам і талентам. Яна працавала настаўніцай Кіраўскай СШ, выкладала гісторыю Беларусі. Па роду сваёй дзейнасці і зараз працягвае цікавіцца гісторыяй свайго краю. Сваё стаўленне да жыцця Таццяна Мікалаеўна адкрыта і шчыра выказвае сродкамі жывапісу.  Праз сонечныя і светлыя карціны яскрава праслежваецца яе любоў да родных краявідаў, да неяркай але чаруючай прыроды роднага краю.

Выставай цікавіцца кожны наведвальнік бібліятэкі. Асабліва прыемна для гледачоў тое, што мастачка адлюстравала краявіды Глыбоччыны, храмы, куточкі маляўнічай прыроды. Магчыма тэхніка напісання работ і недасканалая, але наведвальнікі выставы лічаць,  што інсітнае мастацтва такім і павінна быць...