У Дзеркаўшчынскай сельскай бібліятэкі на працягу сакавіка дзейнічае выстава малюнкаў Васілеўскай Аляксандры – “Акварэльная паляна”.

Аляксандра Васілеўская ў час канікул прыязджае да бабулі ў в. Дзеркаўшчына і заўсёды наведвае бібліятэку. Саша жыве Глыбокім, вучыцца ў 4 класе СШ №1 імя П. В. Сухога.

З малых годоў яна вельмі любіць маляваць, наведвала падрыхтоўчыя заняткі ў Глыбоцкай дзіцячай мастацкай школы імя Я. Драздовіча. А зараз Аляксандра - вучаніцы 1 класа гэтай жа школы.

Юная мастачка любіць маляваць прыроду і свой горад. Ёсць у яе некалькі работ і на касмічную тэму. Большасць малюнкаў выкананы акварэллю – яркія, цікавыя, яны ў першую чаргу прыцягваюць уагу.

Наведвальнікі бібліятэкі рознага ўзросту ўважліва раглядаюць малюнкі Аляксандры.

Бука В., загадчык Дзеркаўшчынскай сельскай бібліятэкі. 22 сакавіка